Read kumam Salmos 121 Bible Online

Salmos 121 - kumam bible

Salmos 121

¹Kyb'itz aj Israel ok in che jax tuj Jerusalén Ok in xi nke'yine qe witz in nma'ne: ¿Jatum ktzajel onb'il weye?

²Aju onb'il weye ktzajel tuk'il Qman aju b'inchante kya'j ex tx'otx'.

³Mlay txi tzoqpi'na tu'n tu'n tjaw tolja. Mlay tzik' tan aju kwentil teya.

⁴Mlay tzaj twatl ex mlay tzik' tan aju kwentil kye aj Israel.

⁵Ate Qman kwentil teya, a klol teya ex tkub' ttxlaja te onil teya.

⁶Mlay k'ixb'isanjtza tu'n ta'w q'ij, ex mlay k'ixb'iya tu'n xjaw te qonik'an.

⁷Ate Qman klol teya tuj tkyaqil mya b'a'n, ex a klol teya tuj tkyaqil tanq'ib'la.

⁸A Qman kwentil teya ok t-xi'ya tuj tb'eya ex ok tajtz meltz'aja ja'lo ex te jumajx.