Read kumam Salmos 122 Bible Online

Salmos 122 - kumam bible

Salmos 122

¹B'itz tu'n David, tu'n kyb'itzan aj Israel ok in che jax tuj Jerusalén Nim o chin tzalaje tej ttzaj kyma'n xjal weye: Qo' tuj tja Qman Dios.

²Aya tnam Jerusalén, ma qo ule ttzi tlamela.

³Aju tnam Jerusalén mejor b'inchb'en te, kyjunin kyib' qe ja wen.

⁴Atzun in che ul kykyaqil k'loj kyiyjil aj Israel aqeju etzan tu'n Qman, ex in che ul q'ol chjonte te Qman ik tza'nx o tma kye.

⁵Atzun ate' qe jusgad tu'n t-xi b'inchet kyi'j xjal, ex atzun ate' qe kyq'uqb'il rey tu'n kykawin, aqeju tiyjil David.

⁶Kymanxe tu'n tkyaqil kyanmiye aju yol lu: Aqeye aj Jerusalén kuchiwt tu'n kytene tuj txub'txaj, ex kuchiwt tu'n kyten tuj txub'txaj qeju at kyk'ujlalil ti'j tnam Jerusalén.

⁷Kuchiwt tu'n kyten tuj txub'txaj qe xjal najl tuj Jerusalén, ex kuchiwt tu'n kyten segur kykyaqil qe nmaq ja tuj tnam.

⁸Atzun ja'lo, tu'n kylaj qe wermaniye ex qe wuk'ile kxel nma'ne kyja': Kuchiwt tu'n kytene tuj txub'txaj aqeye najl tuj tnam Jerusalén.

⁹Tu'n tlaj tja Qman Dios k'okel tilil wu'ne tu'n kytene b'a'n.