Read kumam Salmos 123 Bible Online

Salmos 123 - kumam bible

Salmos 123

¹Kyb'itz aj Israel ok in che jax tuj Jerusalén Ti'ja in chin ke'yine Nman, ex ti'ja in chin ayone, aya in kawina tuj kya'j.

²Ik qtene ik tza'n qe majen xinaq o'kx in xi kyke'yin ti'j kypatrón, ex ik tza'n qe majen xu'j o'kx in xi kyke'yin ti'j xu'j kypatrón, ikxtzun qtene o'kx tok qwitze ti'j Qmane aju Qdiose ex in qo ayone ti'j tu'n ttzaj q'aq'an tk'u'j qi'je.

³Q'aq'antz tk'u'ja qi'je Nman; q'aq'antz tk'u'ja qi'je; ex mib'an tzik'xtl qu'ne aju ik'b'il qeye kyu'n xjal.

⁴Nim ma qo sikte tu'n xmayb'il qeye kyu'n qe q'inun, ex ik'b'il qeye kyu'n qe xjal in jaw kyniman kyib'.