Read kumam Salmos 128 Bible Online

Salmos 128 - kumam bible

Salmos 128

¹Kyb'itz aj Israel ok in che jax tuj Jerusalén At tzalajb'il kye qe xjal in che xob' twitz Qman ex b'a'n che niman te.

²Ok kwa'la ti'j taq'unb'ena, ktzalajela, ex b'a'n k'elel teya.

³Ik k'okel t-xu'jila tuj tjaya, ik tza'n tqan uva nim twitz tok, ex qe tk'wa'la che okel txole' ti'j tmesa, ik kyten ik tza'n qe tal tze' olivo.

⁴Kyja'tzun tten kb'el tky'iwla'n Qman aju xjal b'a'n niman te.

⁵Awt Qman tzaj ky'iwlante teya max twi witz Sión. Tuj tkyaqil q'ij te tanq'ib'la kuchiwt tu'n ttila aju b'a'n ktzajel tib'aj Jerusalén.

⁶Nimxwit tuj tq'ija tu'ntzun ttila qe tal tchmana. Che tenxwit aj Israel tuj txub'txaj.