Read kumam Salmos 129 Bible Online

Salmos 129 - kumam bible

Salmos 129

¹Kyb'itz aj Israel ok in che jax tuj Jerusalén Nimku maj o chin b'aj yajla'ne kyu'n xjal ttzyetlenx atxix tuj nku'xumale —ikxtzun tu'n kymante qe aj Israel ja'lo,

²nimku maj o chin b'aj yajla'ne kyu'n xjal ttzyetlenx atxix tuj nku'xumale, ex minti' o kub' wi'je kyu'n.

³O b'aj kyk'ixb'isa'n ttzal wi'je tu'n asyal, ex b'i'x jaqet ttzal wi'je kyu'n,

⁴pero ate Qman tz'aqlxix te, ma chin klete tu'n tjaq' kykawb'il qe xjal mya b'a'n.

⁵Kub'xwit kych'ixwi ex che elxwit oq qe aj q'oj ti'j tnam Sión.

⁶Che okxwit ik tza'n k'ul in tzaj ch'iy twi ja ex in tzqij na'nxtoq tu'n tjaw b'aqo'n.

⁷Aju k'ul lu mlay noj tuj tq'ab' xjal tu'n, aju xjal in chmon triw ex in b'aj tk'alo'n tuj che'lin.

⁸Qeju in che b'et mlay txi kyma'n kye qe aj q'oj: Awt Qman kub' ky'iwlante kyeye. In che kub' qky'iwla'ne tuj tb'i Qman, che chiwt.