Read kumam Salmos 130 Bible Online

Salmos 130 - kumam bible

Salmos 130

¹Kyb'itz aj Israel ok in che jax tuj Jerusalén Tu'nju at nim nb'ise in chin kub'sane twitza Nman.

²B'intza nyole Nman ex q'ontz twi'ya ti'j ok in chin kub'sane twitza.

³Nman, noqwit kukx in tzaj tna'na aju qb'inchb'ene mya b'a'n, ax tok mi jun jaku kyaj ten minti' til.

⁴Pero tuk'ila in knet najsb'il qile, tu'ntzun qxob'e twitza ex tu'n qnimane teya.

⁵Tu'n tkyaqil wanmiye in chin ayone ti'j Qman ex q'uql nk'u'je ti'j tyol.

⁶Mas in chin ayone ti'j Qman kywitz qe xq'uqil te qonik'an in che ayon ti'j tu'n tjawil q'ij. Ik tza'n in che ayon qe xq'uqil okxi tjawil q'ij,

⁷ikxtzun che ayone ti'j Qman, aqeye aj Israel, tu'nju kukx in tzaj q'aq'an tk'u'j qi'j ex at kolb'il tu'n.

⁸A klol kye aj Israel tuj tkyaqil kyil.