Read kumam Salmos 132 Bible Online

Salmos 132 - kumam bible

Salmos 132

¹Kyb'itz aj Israel ok in che jax tuj Jerusalén Nman Dios, na'ntza David ex na'ntza aju yajb'il te;

²na'ntza ju tyol axix tok xi ttziyan teya, aya Tdios Jacob nim tipumala.

³Mlay chin okxe tuj njaye ex mlay chin kub' koẍe'ye ojlal;

⁴mlayx kub' nmaltz'u'ne nwitze ex mlay chin ik' tane jun rat,

⁵qa na'nxtoq tb'ant jun tnajb'il Qman wu'ne, aju Tdios Jacob at nim tipumal, chi David tma.

⁶Tuj Efrata o qb'iye tqanil ti'j kax k'ub'l tley Dios, ex o knet qu'ne tuj kojb'il te tnam Jaar.

⁷Qo'qe tuj lugar jatum ta' tnajb'il Dios ex qo ẍmeje'k twitz tq'uqb'il.

⁸We'ktza Nman tuk'ix tkaxa at nim tipumal ex tzaja tuj lugar jatum tu'n tkub' tena te jumajx.

⁹Qe pal in che ajb'en teya, kukxwit che b'et tuj tumel, ex kukxwit che sch'in tu'n tzalajb'il qe okslal ti'ja.

¹⁰Noq tu'n tlaj ju yol xi ttziyana te David aju tmajena, mi'n tz'el tik'una ju rey sk'o'maj tu'na.

¹¹Xi ttziyan Qman jun yol axix tok te David ex mlay ch'expet tu'n, ex tma kyja': Ax jun tk'wa'la k'okel nq'o'ne te rey te t-xela.

¹²Qa ma japun kyu'n qe tk'wa'la aju yol kyaj b'ant ti'j wu'ne tuk'ila, ex qa ma che japun qe nmandamyente kyu'n, aqeju kxel nxnaq'tza'ne kye, ikx qe kyk'wa'l che okel te rey te t-xela te jumajx.

¹³Aju witz Sión ax Qman jaw sk'onte. Jaw t-sk'o'n tu'n tajb'en te tnajb'il.

¹⁴Chi Qman tma: Atzun witz lu jatum waje tu'n ntene te jumajx; chin tele tzalu porke iktzun wajb'ile.

¹⁵Che b'el nky'iwla'ne qe xjal tu'n tchmet nim kywa ex knojel kyk'u'j qe meb'a xjal wu'ne.

¹⁶Che b'el nky'iwla'ne qe pal tuj tkyaqilju kyajb'eb'l, ex che b'itzal qe okslal tu'n tzalajb'il.

¹⁷Tzul itz'j jun kolol wu'ne kyxol qe tiyjil David aju sk'o'maj wu'ne, ex kukx ktel jun tk'wa'l te rey ik tza'n jun kandil minti' in yupj.

¹⁸Qe aj q'oj ti'j David kb'el nim kych'ixwi wu'ne, atzun te David kxel nq'o'ne tajwalil.