Read kumam Salmos 138 Bible Online

Salmos 138 - kumam bible

Salmos 138

¹B'itz tu'n David Nman, kxel nq'o'ne chjonte teya tu'n tkyaqil wanmiye; chin jawil b'itzane kyi'j qe b'itz teya, mlay chin xob'e kywitz qe kydios xjal.

²Chin b'el ẍmeje'ye tumlal tjaya xjan tu'n t-xi nq'o'ne chjonte ti'j tk'ujlalila ex ti'j tyola axix tok, porke o tz'ok tq'o'na mas ma' toklen tb'iya ex tyola twitz tkyaqil ti'xti.

³Tej nkub'sane twitza in tzaj ttzaq'we'na, ex ok mastl wipune tu'na.

⁴Kykyaqil qe rey te twitz tx'otx' che jawil nimsante teya ok kyb'inte aju yol tzaj ttziyana.

⁵Kjawil kynimsa'n tb'i Qman ti'j tkyaqilju in b'ant tu'n, ex ma' tajwalil Qman.

⁶Maske ma'xix toklen Qman, ex in che tzaj tke'yin qe xjal mans, atzun qe xjal in jaw kyniman kyib', najchaq in che tzaj tke'yin.

⁷Qa ma chin tene tuj xob'ajil in chin klete tu'na tu'n mi'n nkyime; in tzaj tyek'una tipumala ex in chin klete tu'na ok in tzaj kytx'u'jil aj q'oj wi'je.

⁸Kjapunel tu'n Qman aju t-ximb'etz wi'je. Nman, ktel tk'ujlalila te jumajx; mi'n kyaj tkolina aju aq'untl o tzyet tu'na.