Read kumam Salmos 14 Bible Online

Salmos 14 - kumam bible

Salmos 14

¹B'itz tu'n David Qe xjal minti' kynab'l in kyma'n: Minti' Dios at. Kykyaqil ma che el tzpet; jumajx mya b'a'n in kyb'incha'n; minti' jun in b'inchan b'a'n.

²Max tuj kya'j in che tzaj tke'yin Qman qe xjal, qa at jun at tnab'l ex qa at jun in ximan ti'j Dios.

³Kykyaqil ma che el tzpet ex in che b'et tuj b'e mya b'a'n; junx ma che el ex minti' kyajb'en. Mi a'l jun in b'inchan b'a'n, misikyer jun.

⁴Minti'x kynab'l qeju b'inchal mya b'a'n, aqeju in che yajlan kyi'j qe xjal etzan wu'ne; tuj kywitz qa mya il jlu, ex minti' in tzaj kyna'n nb'iye, chi Dios.

⁵Che tzajel lu'lun tu'n kyxob'il, tu'nju at Dios kyuk'il qeju b'a'n che niman te.

⁶In che ok ten tzaksalte kyximb'etz qeju mans, ex ate Qman klolte kye.

⁷Kuchiwt tzaj kolb'il kye aj Israel twi witz Sión. Ok kyajtz meltz'aj qe xjal etzan tu'n Qman, aqeju otoq che'x q'i'n pres najchaq, ok che tzalajel tiyjil Jacob ex kykyaqil aj Israel.