Read kumam Salmos 141 Bible Online

Salmos 141 - kumam bible

Salmos 141

¹Nman, ti'ja in chin txokone: jurat ttzaj naja, chin tb'intza ok nkub'sane twitza.

²Ikwit tz'e'la nna'j Diose ik tza'n storak in kub' patit twitza, ex ok kyjaw nyek'une qe nq'ab'e twitz kya'j tu'n nna'ne Dios, ikwit tz'e'la ik tza'n jun oyaj in xi q'o'n teya te qale.

³Nman, q'onka jun xq'uqil te ntzi'ye tu'ntzun mi'n tetz jun yol mya b'a'n tuj ntzi'ye.

⁴Mi'n taq'a amb'il tu'n nximane ti'j mya b'a'n, mi tu'n nb'inchanteye mya b'a'n junx kyuk'il qe b'inchal mya b'a'n, ex tu'n mi'n ntene tuj nin wa'n in b'ant kyu'n.

⁵Qa ma kub' tq'o'n xjal tz'aqlxix ncastiwoye jun xtalb'il ok tb'incha' weye, ex mer ik tza'n perjum te weye qa ma chin ok tmayo'n. Mlay tz'el wik'une jlu; tu'n kylaj qeju yajb'il lu kukx ok chin na'le Dios.

⁶Qe nejenel kye qe xjal mya b'a'n che elex xo'n ttxa'n xaq, ex k'elel kynik' ti'j axix tok nyole.

⁷Kb'ajel sputj kyb'aqil tuj kynajb'il kyimni, ik tza'n in b'aj ch'okit tx'otx'.

⁸Nman Dios, o'kx ti'ja q'uql nk'u'je. Ti'ja nno'k nklon wib'e; mi'n chin kyaj tkolina.

⁹Chin tkloma tuj k'ob'il ma kub' kyq'o'n wi'je; chin tkloma tuj k'ob'il kyu'n qe xjal b'inchal mya b'a'n.

¹⁰E kykub' tz'aq qe xjal mya b'a'n tuj kyex kyk'ob'il, atzun weye tu'n nklete.