Read kumam Salmos 142 Bible Online

Salmos 142 - kumam bible

Salmos 142

¹Tna'j Dios David tej tten tuj toy' pik Tuk'il tq'ajq'ajel nwi'ye kyuwxix in chin jaw sch'ine ti'j Qman, tuk'il tq'ajq'ajel nwi'ye kyuwxix in xi nqanine tu'n ttzaj q'aq'an tk'u'j wi'je.

²In xi nma'ne nb'ise te, in xi nma'ne ju yajb'il weye te,

³ok in tzaj b'aj nk'u'je tuj b'is. Nman, ojtzqi'n tu'na aju in b'ant wu'ne. Ma kub' kyq'on jun k'ob'il tuj b'e jatum in chin b'ete.

⁴Ke'yintza tuj nb'anq'ab'e, mi jun in tzaj onil weye. Mi a'l jun in kolin wi'je. Mi a'l jun in ximan wi'je.

⁵Nman, in chin kub'sane twitza ex in xi nma'ne teya kyja': Tuk'ila in pon nklon wib'e; ex ik ttena te weye tzalu twitz tx'otx' ik tza'n wetzb'ile.

⁶B'intza ok njaw sch'ine porke minti' wipune. Chin tkloma kywitz qeju in che yajlan weye, tu'nju at mas kyipun nwitze.

⁷Chin ti'mexa tuj presb'il weye tu'ntzun tjaw nnimsa'ne. Qeju tz'aqlxix kb'ajel kytxolb'an kyib' wi'jele ok tb'inchanteya b'a'n weye.