Read kumam Salmos 143 Bible Online

Salmos 143 - kumam bible

Salmos 143

¹B'itz tu'n David Nman, b'intza nna'j Diose; q'ontz twi'ya ti'j nkub'sb'ile. Chin ttzaq'wentza porke tz'aqlxix teya ex tkyaqilju in tzaj ttziyana in japun tu'na.

²Mi'n chin ok tq'o'na tuj xjel kyi'j qe npaltile aqine tmajena, ex mi a'l jun minti'wt til twitza.

³In chin yajlanjtze kyu'n aj q'oj wi'je; mer ik tza'n in chin b'aj pach'u'ne kyu'n twitz tx'otx'; ma chin okx kyq'o'n tuj qlolj ik tza'n qeju o che kyim.

⁴Ma b'aj nk'u'je tuj b'is; ma tzaj t-xob'il wi'je.

⁵In tzaj nna'ne qe tq'ijlalil ojtxi ex in chin ximane ti'j tkyaqilju o tb'inchaya.

⁶In che jaw nyek'une qe nq'ab'e twitz kya'j tu'n nkub'sane twitza, in txqet wanmiye ti'ja ik tza'n tzqij tx'otx' tajb'il a'.

⁷Nman, chin ttzaq'wentz naja, ex ch'ix tjatz b'aj nxewe. Mi'n tz'el tewan tib'a nwitze tu'ntzun mi'n woke ik tza'n qe kyimni.

⁸Te prim yek'untza tk'ujlalila weye, porke ti'ja ma tz'ok qe' nk'u'je. Yek'untza weye alkye tu'n nb'inchanteye, porke teya in chin kub'sane.

⁹Chin tkloma kywitz aj q'oj wi'je Nman, ex tuk'ila in pon nklon wib'e.

¹⁰Chin t-xnaq'tzantza tu'n tb'ant tajb'ila wu'ne, porke aya Ndiose. Q'inxa qine tuj b'e jiqun ti'j porke aya puro b'a'na.

¹¹Noq tu'nju ma' toklen tb'iya Nman, q'ontza amb'il tu'n kukx wanq'ine. Chin ti'mexa tuj yajb'il weye porke tz'aqlxix teya.

¹²Che najxwit qe aj q'oj wi'je tu'na, tu'nju at tk'ujlalila wi'je. Che najxwit kykyaqil aj q'oj wi'je tu'na, porke aqine tmajena.