Read kumam Salmos 146 Bible Online

Salmos 146 - kumam bible

Salmos 146

¹Nimanxwit tb'i Qman. Kjawil nnimsa'ne Qman tu'n tkyaqil nk'u'je.

²Kjawil nnimsa'ne Qman akux itz'x qine; kxel nb'itzane b'itz te Ndiose akux atinxe twitz tx'otx'.

³Mi'n tz'ok qe' kyk'u'je kyi'j qe xjal ma' kyoklen, ex ax xjal qe, ex minti' kolb'il kyuk'il,

⁴ok kykyim ok che okel te quq juntl maj, ex axtzun q'ij lu kb'ajel aju otoq kub' kyximan tu'n tb'ant.

⁵At tzalajb'il teju xjal in tk'mo'n onb'il tu'n Tdios Jacob ex nno'k qe' tk'u'j ti'j Qman, aju Tdios.

⁶Tu'n o b'ant kya'j tuk'ix tx'otx' ex mar ex tuk'ix tkyaqilju at kyuj. Kukx in japun tu'n Dios aju yol in tzaj ttziyan.

⁷In xi tb'incha'n kyi'j qeju in che b'aj yajla'n ex in xi tq'o'n kywa qeju nne'l kyk'u'j. In che etz ttzoqpi'n Qman qe pres;

⁸In jaqet kywitz qe moẍ tu'n, in che jaw twab'an qeju o che kub' tz'aq; in tk'ujla'n qe xjal tz'aqlxix;

⁹in kolin Qman kyi'j qe stranjer xjal ex in che ok tkwentin qe k'wa'l minti' kyman ex kytxu' ex kyuk'ix qe meb'a xu'j; atzun kye xjal mya b'a'n in che el tzpet ti'j kyb'e tu'n.

¹⁰Aya tnam Sión, kukx kkawil Qman; aju Tdiosa kukx kkawil tuj tkyaqil tab'q'iyil. Nimanxwit tb'i Qman.