Read kumam Salmos 149 Bible Online

Salmos 149 - kumam bible

Salmos 149

¹Nimanxwit tb'i Qman. Che b'itzane jun b'itz ak'aj te Qman; kynimsa'n jawe kyxol qe xjal nimal Dios ok tok kychmon kyib'.

²Che tzalajxe aqeye aj Israel najl qeye tuj tnam Sión, porke ate Dios b'inchal kyeye ex kyreye.

³Kynimsa'n jawe tb'i in che b'ixane, kyb'itzanxe qe b'itz te tuk'il tq'ajq'ajel twi chnab' arpa ex tampor.

⁴Porke in tzalaj Qman ti'j ju tnam etzan tu'n; in tzaj tq'o'n kamb'ab'l kye xjal mans, ex atzun jlu nimb'il kye.

⁵Che tzalajxe aqeye nimal Dios tu'nju ma che kamb'ane, ex che b'itzane tuk'il tzalajb'il ok in che ojlane twi kywatb'ile.

⁶Kynimsa'n jawe tb'i Dios tu'n tq'ajq'ajel kywi'ye, ex tuk'ix jun spad te kab'e pak' ttzi' tuj kyq'ab'e,

⁷tu'ntzun t-xelin kyu'ne kyi'j qe nasyon mya okslal qe ti'j Dios, ex tu'n tkub' kyq'o'ne kycastiw qe tnam,

⁸tu'n tb'aj kyk'alo'ne tu'n caden k'uxb'il qe rey ex qe xjal ma' kyoklen,

⁹tu'ntzun tjapun kyi'j aju sentens tz'ib'amaj. A jlu jun nimb'il kye kykyaqil qe nimal Dios. Nimanxwit tb'i Qman.