Read kumam Salmos 15 Bible Online

Salmos 15 - kumam bible

Salmos 15

¹B'itz tu'n David Nman Dios: ¿Alkye jaku najan tuj tjaya? ¿Alkye jaku najan twi witz xjan aju etzan tu'na?

²O'kx aju xjal in b'et tuj tumelxix ex in tb'incha'n aju tz'aqlxix, aju in tma'n jun yol axix tok tu'n tkyaqil tanmi;

³aju minti' in yolin mya b'a'n ti'j juntl; aju minti' in tb'incha'n mya b'a'n ti'j tamiw, ex minti' in xo'n yol ti'j tvesin;

⁴aju ik'un tu'n aju xjal ik'un tu'n Dios, ex in che jaw tnimsa'n qeju in che niman te Qman, aju in japun tu'n aju trat otoq txi ttziyan maske mya b'a'n ma tz'ela;

⁵aju in xi tq'o'n tpwaq te kych'ex xjal ex minti' in tqanin ta'l, ex aju minti' in tk'mo'n pwaq in tzaj oyin te tu'n tkub' t-sentens jun xjal minti' til. Aju xjal in b'ant tkyaqil jlu tu'n tuj tumel, mlayx kub' tz'aq.