Read kumam Salmos 2 Bible Online

Salmos 2 - kumam bible

Salmos 2

¹¿Tiqu'n in che jaw tilj qe xjal kyuj txqantl nasyon? ¿Tiqu'n in kub' kyximan qe xjal jun kyximb'etz noqx gan?

²Qe rey ex qe kawil twitz tx'otx' mi'n kyaj tu'n kyniman Dios, ex junx in che yolin tu'n kyq'ojin ti'j Qman ex ti'j ju rey sk'o'maj tu'n.

³In kyma'n kyja': Qko'pin el qib' tuj kycaden. Qko'pin el aju k'alb'il qe kyu'n, che chi.

⁴Ate Qman aju in kawin tuj kya'j in jaw tze'n kyi'j;

⁵in che ok t-xob'tza'n ok in tzaj tq'oj, ex in tma'n kye tuk'il ttx'u'jil:

⁶Atzunju rey lu sk'o'maj wu'ne. Ma tz'ok nq'o'ne toklen tuj Sión aju witz ma tz'el npa'ne tu'n tajb'en weye.

⁷Kxel nma'ne aju o tma Qman tu'n tb'ant. O tma weye: Aya nky'ajal, ma chin oke te tmana ja'lo.

⁸Qanintza qe nasyon weye tu'n kyok te tetzb'ila ex jaku txi nq'o'ne tkyaqil twitz tx'otx' teya.

⁹Kkawila kyib'aj qe nasyon tuk'il var k'uxb'il; che najel tu'na ik tza'n jun k'il in b'aj b'uchj.

¹⁰Ja'lo, aqeye rey ex aqeye in che kawin kyi'j xjal twitz tx'otx', tenx kynab'le ex tz'elx kynik'e ti'j xnaq'tzb'il lu.

¹¹Che ajb'ene te Qman tuk'il tzalajb'il ex nimb'il,

¹²che mok'ekuye twitz tuk'il tchiylal, porke mya yajku tzaj tq'oj ex jaku che b'aj kyime tu'n ax tuj b'e, porke jurat naj in tzaj tq'oj. At tzalajb'il kye qeju nno'k qe' kyk'u'j ti'j tu'n kyklet.