Read kumam Salmos 20 Bible Online

Salmos 20 - kumam bible

Salmos 20

¹B'itz tu'n David Awt Qman txi b'inte teya ok ttena tuj yajb'il; awt Tdios Jacob kolin ti'ja.

²Maxwit tuj tja tuj tnam Sión tzaj t-sama'n onb'il teya.

³B'a'nwt ttzaj tna'n kykyaqil qe toyaja ex tu'n t-xi tk'mo'n tuk'il tzalajb'il qe oyaj in che kub' tpatuna tib'aj altar.

⁴B'a'nwt tzaj tq'o'n tkyaqilju tajb'ila ex b'ant-xwit tkyaqilju kb'el t-ximana.

⁵Jaku qo tzalaje wen ok tkamb'ana, ex kjawil qyob'ine bandera twitz kya'j tuj tb'i Qdios. Tzajwit tq'o'n Qman tkyaqilju tqanb'etza.

⁶Ma tz'el nnik'e ti'j, tu'nte Qman ok kamb'al aju rey o jaw t-sk'o'n; max tuj kya'j aju lugar xjan ktzajel ttzaq'we'n, ktzajel tq'o'n tipun tu'n tkamb'an.

⁷At junjun k'loj xjal atzun nno'k qe' kyk'u'j kyi'j qe kycarwaj in che ajb'en tuj q'oj, ex at junjuntl atzun nno'k qe' kyk'u'j kyi'j qe kychej; atzun qe, atzun nno'k qe' qk'u'j ti'j Qman aju Qdios.

⁸Qe xjal lu k'elel b'aqj kyqan ex che b'el tz'aq. Atzun qe kukx qo tel wa'lxix.

⁹Nman, q'onxa amb'il tu'n tkamb'an ju rey. Qo ttzaq'wentza ok qtxokone ti'ja.