Read kumam Salmos 21 Bible Online

Salmos 21 - kumam bible

Salmos 21

¹B'itz tu'n David Nman, in tzalaj rey tu'nju ma txi tq'o'na tipumal; nim in tzalaj ex tu'na ma kamb'an.

²Ma tzaj tq'o'na qe tajb'il; minti' ma kub' txk'a'yina qe tqanb'etz.

³Ma tk'ama tuk'il nimku ky'iwb'il, ex ma jax tq'o'na jun coron q'an pwaq tuj twi'.

⁴Xi tqanin tchwinqlal teya, ex tzaj tq'o'na ma' tuj tchwinqlal ex te jumajx.

⁵Noq tu'nju onb'il tu'na, ma'xix ma tz'ok tipumal, ma txi tq'o'na nimb'il te ex toklen ma'xix.

⁶Ma kub' tky'iwla'na te jumajx; ma noj tu'n tzalajb'il tu'nju aya at tuk'il.

⁷Aya rey, mlayx kub' tz'aqa tu'nju q'uql tk'u'ja ti'j Qman; q'uql tk'u'ja ti'j tk'ujlalil Dios aju ma'xix toklen.

⁸Tu'n tipumala kb'el kyi'j kykyaqil aj q'oj ti'ja; ex tu'n tb'anq'ab'a kb'el kyi'j qeju in che ik'un teya;

⁹b'i'x che okex tq'o'na qe tuj jun jorni in k'ant tu'n q'aq' ok tula tu'n tkub' kysentens tu'na. Tu'n tq'oj Qman che b'el tz'e'y tu'n q'aq'.

¹⁰Che najel qe kyk'wa'l ex qe kyiyjil tu'na, mi a'l jun kyjel anq'in kyxol xjal.

¹¹Maske kyaj tu'n kyb'inchante jun mya b'a'n ti'ja ex qa tu'n tb'aj kyximan jun ti'xti ti'ja, ex mlay b'ant kyu'n.

¹²Tu'na che k'elel oq ok t-xi tumla'na plech kyi'j.

¹³Kjawil qnimsane tb'iya Qman, tu'nju nim tipumala. Qo b'itzale ex kxel qq'o'ne chjonte teya tu'n tipumala ma'xix.