Read kumam Salmos 24 Bible Online

Salmos 24 - kumam bible

Salmos 24

¹B'itz tu'n David Te Qman Dios tkyaqil twitz tx'otx', tuk'ix tkyaqilju at twitz ex kykyaqil qeju najl twitz.

²Porke tu'n Qman kub' tq'o'n t-simyentil tx'otx' ex kub' tq'o'n mar ex qe nima.

³¿Alkye jaku jax twi witz etzan tu'n Qman? ¿Alkye jaku ten tuj tja xjan?

⁴O'kx aju xjal minti' tpaltil ex saq tuj tanmi, minti' in k'ulun kywitz qe tilb'ilal ex in japun tu'n tkyaqil yol in xi ttziyan.

⁵Ate Qman kb'el ky'iwlante xjal lu ex k'okel tq'o'n te tz'aqlxix, tu'nju axte Dios klol te.

⁶Atzun in b'ant kyu'n qe xjal in che niman te Qman ex kyajb'il tu'n kyten ttxlaj Tdios Jacob.

⁷Aqeye tlamel tnam ojtxi b'anin, kyjaqom kyib'e. Kyjaqom kyib'e wen tu'n tokx ju Rey nim tajwalil.

⁸¿Alkyetzun ju Rey lu nim tajwalil? Ate Qman aju nim tipumal ex kyuw tk'u'j. Ate Qman aju in kub' ti'j tkyaqil tu'n tuj q'oj.

⁹Aqeye tlamel tnam ojtxi b'anin, kyjaqom kyib'e. Kyjaqom kyib'e wen tu'n tokx ju Rey nim tajwalil.

¹⁰¿Alkyetzun ju Rey lu nim tajwalil? Ate Qman aju Tajaw Tkyaqil. Ate Qman aju Rey nim tajwalil.