Read kumam Salmos 26 Bible Online

Salmos 26 - kumam bible

Salmos 26

¹B'itz tu'n David Nman, b'inchama wi'je porke ma chin b'ete tuj tumelxix. O'kx ti'ja ma tz'ok qe'xix nk'u'je Nman;

²chin tke'yin b'aja, chin tq'onka tuj malb'il, q'onka qe nximb'etze tuj malb'il kyuk'ix qeju tb'is nk'u'je.

³Kukx in tzaj nna'ne tk'ujlalila ex kukx in tene tz'aqlxix twitza;

⁴mi jun maj o chin tene junx kyuk'il qe xjal nik'al yol ex minti' o tz'ok njunin wib'e kyuk'il qeju xmletz' qe.

⁵Nne'l wik'une aju b'uyj tib'il kyu'n qe xjal mya b'a'n; mi jun maj o chin tene junx kyuk'il qe xjal jumajx mya b'a'n qe.

⁶Jaku tz'el ntx'jone nq'ab'e tu'n tel nik'b'aj ti'j minti' wile, waje tu'n nxi laq'e'ye twitz t-altara Nman,

⁷ex tu'n kyxi nb'itzane qe b'itz te nimb'il teya, ex tu'n kyxi nma'ne qe tb'inchb'ena ma' kyxilen.

⁸Nman, k'ujla'n tjaya wu'ne jatum najliya, aju lugar jatum tkub'sa'n tajwalila.

⁹Mi'n taq'a amb'il tu'n nkyime ik tza'n in che kyim qe aj il; ex mi'n tb'inchaya wi'je ik tza'n kb'ajel kyi'j qe b'yol xjal,

¹⁰aqeju kukx in kyb'incha'n mya b'a'n ex in kyk'mo'n pwaq noq tu'n mi tkub' kysentens xjal kyu'n.

¹¹Atzun weye minti' wile; kyja'tzun chin tkloma, q'aq'antz tk'u'ja wi'je.

¹²Atzun kykub'sa'n nqane tib'aj tx'otx' kyuw tten; ex kjawil nnimsa'ne Qman kywitz qe xjal etzan tu'n.