Read kumam Salmos 29 Bible Online

Salmos 29 - kumam bible

Salmos 29

¹B'itz tu'n David Aqeye anjel, kynimsan jawe Qman; kynimsan jawe tu'nju tipumal ex tu'nju tajwalil,

²Kynimsan jawe aju tb'i Qman tb'anilxix, ex che k'ulune te tuj lugar xjan, aju tb'anilxix.

³Aju tq'ajq'ajel twi' Qman in q'ajt tib'aj mar; aju Dios ma'xix tajwalil in tininin wen; ate Qman tkub'sa'n tib'aj nintz mar.

⁴Aju tq'ajq'ajel twi' Qman kyuwte; aju tq'ajq'ajel twi' Qman nimxix tipumal;

⁵tu'n tq'ajq'ajel twi' Qman in che b'aj jachj qe tze' wi'ten. Tu'n Qman in che b'aj tjachin qe tze' wi'ten twi witz Líbano.

⁶In che tzaj lu'lun qe witz Líbano ex Sirión tu'n; ex in b'ant kyt'ikpaj tu'n, ik tza'n qe tor ex qe tal tor.

⁷Tuj tq'ajq'ajel twi' Qman nne'tz tqan q'aq';

⁸tu'nju tq'ajq'ajel twi' Qman in jaw lu'lun aju lugar minti' kynajb'il xjal tuj; tu'n Qman in jaw lu'lun aju lugar minti' kynajb'il xjal tuj, aju tkub' tuj Cades.

⁹Tu'n tq'ajq'ajel twi' Qman in che b'aj qutz'j qe tze' k'ol ex in che kyaj ten qe chk'ul minti' jun wi' tze' kyuj. Tuj tja Dios kykyaqil in xi kyq'o'n nimb'il te.

¹⁰Ate jb'al tkyaj tjaq' tkawb'il Qman, ex ate Qman tok te rey tu'n tkawin te jumajx.

¹¹In xi tq'o'n Qman kyipun qe xjal etzan tu'n, ex in che kub' tky'iwla'n tu'n kyten tuj tzalajb'il.