Read kumam Salmos 3 Bible Online

Salmos 3 - kumam bible

Salmos 3

¹B'itz tu'n David tej tel oq twitz Absalón aju tky'ajal Nman Dios, ma che chmet-xix qe aj q'oj wi'je, nimxix qe xjal in jaw kyi'n kyib' wi'je,

²nimku xjal in che yolin wi'je ex in kyma'n: Mlay klet jlu tu'n Dios, che chi.

³Atzun teya Nman, aya kolol wi'je, aya in jaw nimsante weye ex aya in tzaj kyuwsante nk'u'je.

⁴Tu'n tq'ajq'ajel nwi'ye kyuw in xi nqanine onb'il te Qman, ex in chin tzaj tzaq'we'ne tu'n max twi witz xjan aju etzan tu'n.

⁵In chin kub' koẍe'ye ex in tzaj nwatle ex nne'l nwatle, noq tu'nju ate Qman tzyulte weye.

⁶Mlay chin xob'e kywitz noq jte' mil xjal kytxolin kyib' wi'jele b'anin kyten tu'n kyok tzoqpaj wi'je.

⁷We'ktza Nman. Chin tkloma Nman Dios. Porke aya kb'ajel k'ixb'isante kyq'o'tx kykyaqil aj q'oj wi'je; kb'ajel tb'uchina twitz kye' qe xjal mya b'a'n.

⁸Tu'na at kolb'il Nman, ky'iwlama aju tnam etzan tu'na.