Read kumam Salmos 36 Bible Online

Salmos 36 - kumam bible

Salmos 36

¹B'itz tu'n David aju tmajen Qman Aju mya b'a'n in yolin te xjal mya b'a'n max tuj tanmi. Minti'x in ximan xjal ti'j qa at tu'n t-xob' twitz Dios.

²Nno'k tq'on tib' te ma' toklen, ex in b'aj tyolin tib', tuj twitz qa mlay tz'el nik'b'aj ti'j tb'inchb'en mya b'a'n.

³Jumajx mya b'a'n yolin ex nik'al yol, tzpetni tnab'l ex ma kyaj tkolin tu'n tb'inchante b'a'n.

⁴Ok in kub' koẍe' twi twatb'il, in b'aj t-ximan tu'n tb'inchante mya b'a'n; ax in kyaj ten tuj mya b'a'n ex mi'n taj tu'n tkyaj tq'o'n ju mya b'a'n.

⁵Atzunju tk'ujlalila Nman, max japun pon twitz kya'j; ex aju tyola axix tok in japun kanun twitz kya'j.

⁶Aju ttena tz'aqlxix ik tten ik tza'n qe nmaq witz; ex qe tleya ik kyten ik tza'n mar ma tij ex ma' t-xe'. Nman, aya kwentil kye qe xjal ex qe jil.

⁷Tb'anilxix tk'ujlalila Nman Dios. Kyja'tzun nno'kx kyklon kyib' qe xjal tjaq' t-xik'a.

⁸In nojxix kyk'u'j wen tu'nju nim wab'j at tuj tjaya; tu'na in xi tq'o'na kyk'a' ti'j jun nima tb'anilxix wen,

⁹ex tuk'ila ta' aju twi a' in tq'o'n chwinqlal, ex tu'nju t-spik'umala in qile aju spik'un.

¹⁰Kukx q'ontz tk'ujlalila kye qeju ojtzqi'na kyu'n, ex che tkloma xjal b'a'n kymod.

¹¹Mi'n taq'a amb'il tu'n nb'aj wab'ane kyu'n qe xjal in jaw kyniman kyib', ex tu'n mi'n wex lajo'ne kyu'n qe xjal mya b'a'n.

¹²Kyke'yinxe tza'n tten ma che kub' tz'aq qe xjal b'inchal mya b'a'n. Ma che kub' tz'aq ex mlay che jaw we' juntl maj.