Read kumam Salmos 39 Bible Online

Salmos 39 - kumam bible

Salmos 39

¹B'itz tu'n David Otoq txi ntziyane tu'n tten nkwente ti'j nmodiye, ex tu'n mi'n nb'inchane il kyu'n nyole, ex tu'n njak'unteye ntzi'ye, akux kykub'sa'n qe xjal mya b'a'n nwitze.

²Ex ok nq'on wib'e te men, minti' jun yol xi nma'ne. Ex minti'lpe in yoline ti'j ju b'a'n. Atzunju k'ixk'oj wi'je noq kyja' t-xi' tuj tilil;

³o julin wanmiye ttzi nxu'ke. Tu'nju nximb'etze mer ik tza'n q'aq' jaw k'ant wujxiye, jawtzun tq'ajq'ajel nwi'ye kyuwxix ex xi nma'ne kyja':

⁴Nman, yek'untza weye jtoj b'aj nchwinqlale ex jte' q'ij chin anq'ile, tu'ntzun tel nnik'e ti'j, mya nim tuj nq'ije.

⁵Ma tzaj tq'o'na nchwinqlale noq te nik'xi q'ij; mya nim wanq'ib'le tuj twitza. Aju kyanq'ib'l kykyaqil xjal ik tten ik tza'n jun xjiq'b'aj k'ujb'aj.

⁶Ik tten xjal ik tza'n xlekun in b'et. Noq gan in b'aj t-siksan tib' tu'n tchmet tq'inumab'l, ex minti' b'a'n tu'n alkye k'okel tajwil.

⁷Kyja'tzun Nman, ¿alkye tu'n nyone ti'j? Ex atzun q'uql nk'u'je ti'ja.

⁸Chin tkloma kyuj qe wile; mi'n taq'a amb'il kye qe xjal minti' kynab'l tu'n kyxmayin wi'je.

⁹Ok nq'on wib'e te men ex minti' in q'ajte, ex tu'na ma chin k'ixb'isete.

¹⁰Q'i'mela aju castiw tkub' wib'aje tu'na; ch'ix nnaje tu'nju yajb'il tu'na.

¹¹In xi tkawina aju xjal in tb'incha'n mya b'a'n ok tkub' tq'o'na tcastiw, ex in naj tu'na aju mas in tzalaj ti'j, mer ik tza'n tu'n pok' otoq b'aj wa'n.

¹²Nman, b'intza aju nna'j Diose, q'ontz twi'ya ti'j nkub'sb'ile, ttzaja onil weye ok njaw oq'e. Tuj twitza noq jun b'etin xjal qine, ex noq in chin b'etje'ye ik tza'nx qe nxe'chele.

¹³Q'i'mela twitza wi'je, chin tq'onkja tu'n ntzalaj ch'ine na'nxtoq nkyime.