Read kumam Salmos 43 Bible Online

Salmos 43 - kumam bible

Salmos 43

¹Nman Dios, b'inchanxa wi'je; kolina wi'je kywitz qe xjal mya nimal teya. Chin tkloma kywitz qe xjal sb'ul ex mya b'a'n,

²aya Ndiose ex kolol wi'je. ¿Tiqu'n ma chin el tik'una? ¿Tiqu'n kukx tu'n ntene tuj b'is tu'nju yajb'il wi'je kyu'n qe aj q'oj?

³Samantza t-spik'umala weye ex tyola axix tok tu'ntzun nẍaqlunjtze kyu'n tuj nb'eye, ex tu'n nxi q'i'ne twi witz xjan aju etzan tu'na, tuj lugar jatum najliya.

⁴Chin poltzune twitz t-altara Nman Dios, ex atzun kxel nq'o'ne chjonte teya tu'n tq'ajq'ajel twi chnab' arpa, porke aya Ndiose ex tu'na nim in chin tzalaje.

⁵¿Tiqu'n in chin b'isune? ¿Tiqu'n in tzaj b'aj nk'u'je? O'kx ti'j Dios ma qe' nk'u'je, ex kukx kjawil nnimsa'ne tb'i, porke a Ndiose ex klol weye.