Read kumam Salmos 46 Bible Online

Salmos 46 - kumam bible

Salmos 46

¹B'itz kyu'n qe tiyjil Coré A Dios kolol qi'j ex q'ol qipumal; a onil qe tuj q'ij ok ttzaj yajb'il qi'j.

²Kyja'tzun mlay qo xob' maske b'aj yukch tx'otx', ex maske kyja' kyxi' b'aj qe witz tuj mar tu'n kyku'pun max t-xe',

³maske julin mar wen ex maske pulin wen, ex maske che lu'lun qe witz tu'n kytx'u'jil.

⁴At jun nima in ttzalajsa'n qe xjal ate' tuj tnam kub' tb'incha'n Dios, aju tnam lu mas xjanxix ex tok te tnajb'il Dios, aju Dios Tajaw Tkyaqil.

⁵Tuj tnam lu atzun ta' Dios, kyja'tzun mlay yukch; ex ax Dios onil te ok tkub' spik'e'.

⁶In che tzanun qe nasyon ex in che lu'lun qe kawb'il, ex in kub' ulj tx'otx' ok ttzaj q'ajt Dios.

⁷Ate Qman aju Tajaw Tkyaqil at quk'il. Ate Dios kolol qi'j, aju Tdios Jacob.

⁸Kytzaje ex kyke'yinxe aju xob'ajilxix ma tb'incha Qman twitz tx'otx'.

⁹Ma we' tkyaqil q'oj tu'n tuj tkyaqil twitz tx'otx', ma che kub' ttoqan qe xob'l plech kyuk'ix qe lans, ex ma tz'ok tq'o'n kyq'aq'al qe carwaj in che ajb'en tuj q'oj.

¹⁰Chi Dios: Kykolinxe tu'n kyq'ojine, tz'elx kynik'e wi'je qa aqine Dios. Aqine nejenel kyib'aj kykyaqil nasyon. Ex aqine nejenel kyib'aj kykyaqil xjal ate' twitz tx'otx'.

¹¹Ate Qman aju Tajaw Tkyaqil at quk'il. A Dios kolol qi'j, aju Tdios Jacob.