Read kumam Salmos 47 Bible Online

Salmos 47 - kumam bible

Salmos 47

¹B'itz kyu'n qe tiyjil Coré Tjaw txaq'an kyq'ab'e kykyaqile aqeye xjal ate'ye twitz tx'otx'. Che sch'ine tu'n tzalajb'il twitz Dios.

²Ate Qman at toklen tib'aj tkyaqil ex il ti'j tu'n kyxob' kykyaqil xjal twitz; ate Dios jun nintz rey tib'aj tkyaqil twitz tx'otx'.

³Tu'n Dios kub' kyi'j qe tnam ex qe nasyon, ex e kyaj tq'o'n tjaq' qkawb'il.

⁴Jaw t-sk'o'n tx'otx' te qetzb'il, aqo' aj Israel, kyja'tzun in qo tzalaj ti'j jlu ex k'ujla'n qo' tu'n.

⁵Ma jax Qman Dios tu'n tkub' qe' tuj tq'uqb'il, ex lu qe xjal in che sch'in tu'n tzalajb'il ex nno'k kyq'ajtza'n chun.

⁶Che b'itzane, che b'itzane b'itz te nimb'il te Dios. Che b'itzane, che b'itzane b'itz te nimb'il te Qrey.

⁷Che b'itzane jun salmo te nimb'il te Dios, porke ate Dios Rey tib'aj tkyaqil twitz tx'otx'.

⁸Ate Dios Rey kyib'aj kykyaqil nasyon ex ma kub' qe' tuj tq'uqb'il xjan.

⁹Qe nejenel kyuj txqantl nasyon ma tz'ok kyjunin kyib' kyuk'il qe xjal etzan tu'n Dios, aju Tdios Abraham.

¹⁰Qe xjal ma' kyoklen twitz tx'otx', te Dios qe. Ate Dios mas ma' toklen tib'aj tkyaqil.