Read kumam Salmos 48 Bible Online

Salmos 48 - kumam bible

Salmos 48

¹B'itz kyu'n qe tiyjil Coré Ate Qman Dios ma' t-xilen, b'a'n tu'n tjaw nimset tb'i tuj tnam etzan tu'n ex twi witz ma tz'el tpa'n tu'n tajb'en te.

²Tb'anilxix ke'yin twa'l aju witz tkub' tuj tb'anq'ab' tnam Sión, atzun tzalajb'il kye xjal tuj tkyaqil twitz tx'otx'. Atzunju tnam teju nintz Rey.

³Ma tzaj tyek'un tib' Dios kyuj qe tb'anil ja tuj Jerusalén; ate Dios jun kolb'il axix tok kye xjal.

⁴Ok kychmon kyib' qe rey ex junx e pon tu'n kyok tzoqpaj ti'j;

⁵ex tej kyke'yinte aju tnam e jaw lab'in ti'j, tzaj b'aj kyk'u'j ex e je'l oq.

⁶Tzajxix nim t-xob'il kyi'j; b'aj kyxqutz'in kyi'j tu'n ta'w, ik tza'n jun xu'j ok nnu'l itz'j tal;

⁷ik e b'aj naj tu'na ik tza'n in che b'aj naj kybarc aj Tarsis tu'n kyq'iq' in tzaj tuj tjawitz q'ij.

⁸Ik tza'nxju o tzaj q'ma'n qe, ma qil kyu'n qe tb'aq' qwitz, aju tnam Jerusalén, aju tnam etzan tu'n Qman Dios aju Tajaw Tkyaqil, kkyuwsetel te jumajx tu'n Dios.

⁹Qman Dios, tuj tmijil tjaya in qo kub' tene ximal ti'j tk'ujlalila ma'xix.

¹⁰Qman Dios, tuj tkyaqil twitz tx'otx' in jaw nimsa'na ik tza'nx toklen tb'iya. Tu'n tipumala in tb'incha'na aju tz'aqlxix.

¹¹E tjaw tzalaj ju witz Sión. E kyjaw t'ikpaj tu'n tzalajb'il qe tnam te Judá, tu'nju tb'inchb'ena tz'aqlxix.

¹²Che b'ete ti'jele tnam Sión ex kyajla'n b'aje qe ja ma' kywa'l ate' tuj;

¹³kyq'onke kwent ti'j muro tok ti'jele ex kyi'j qe tb'anil ja, tu'ntzun t-xi kyma'ne kye qe xjal che ul itz'j te tib'ajxi:

¹⁴Iktzun tten Qman Dios tuj tkyaqil tab'q'iyil te jumajx. Ate ẍaqlul qe te jumajx.