Read kumam Salmos 5 Bible Online

Salmos 5 - kumam bible

Salmos 5

¹B'itz tu'n David B'intza qe nyole Nman, q'ontz twi'ya ti'j ok njaw ayayane,

²b'intza aju nkub'sb'ile aya Nreye ex Ndiose, porke twitza in chin kub'sane.

³Nman, primx in tzaj tb'i'na tq'ajq'ajel nwi'ye; kxel nma'ne qe nkub'sb'ile teya ex chin ayole ti'j tzaq'web'l tu'na.

⁴Porke aya jun Dios minti' in tzalaja ti'j ju mya b'a'n; qe xjal mya b'a'n mlay che anq'in junx tuk'ila,

⁵mlay che kub' ten twitza qe xjal in jaw kyniman kyib'. In che el tik'una qe xjal b'inchal mya b'a'n,

⁶in che naj qe xjal nik'al yol tu'na, ex in che el tik'una qe xjal sb'ul ex qe b'yol xjal.

⁷Atzun weye, noq tu'nju tk'ujlalila ma'xix, jaku chin pon laq'eye twitz tjaya; jaku chin k'ulune twitza tu'n tkyaqil nimb'il, ex tu'n t-xi nke'yine tumlal tjaya xjan.

⁸Nman Dios, noq tu'n kylaj qe aj q'oj wi'je chin t-ẍaqluma, ex tz'aqlxixa, ex chin ti'nxe tuj b'e b'a'n.

⁹Minti' in che yolin jun yol axix tok ex jumajx mya b'a'n aju at tuj kyanmi. Aju tuj kyqul mer ik tza'n jun pantyón katl, ex aju kytzi' puro nik'al yol.

¹⁰Nman Dios, q'onkuya kycastiw qe xjal lu. Mi'n txi tq'o'na amb'il tu'n tb'ant aju mya b'a'n in kub' kyximan. Ik'un ela qe tu'nju nim il in kyb'incha'n ex tu'nju ma jaw kyi'n kyib' ti'ja.

¹¹Kuchiwt tu'n kytzalaj kykyaqil qeju nno'k qe' kyk'u'j ti'ja ex kukx tu'n kyb'itzan tuk'il tzalajb'il, porke aya kolol kyi'j. Ex qeju tok kyk'u'j ti'ja kuchiwt che tzalajx qe tu'na.

¹²Nman Dios, in kub' tky'iwla'na aju xjal tz'aqlxix ex txolin ti'j tu'n t-xtalb'ila; ik tten t-xtalb'ila ti'j ik tza'n jun maqb'il in ajb'en tuj q'oj.