Read kumam Salmos 53 Bible Online

Salmos 53 - kumam bible

Salmos 53

¹B'itz tu'n David Qe xjal minti' kynab'l in kyma'n: Minti' Dios at. Kykyaqil ma che el tzpet; jumajx mya b'a'n in kyb'incha'n; misikyer jun in b'inchan b'a'n.

²Max tuj kya'j in che tzaj tke'yin Dios qe xjal tu'ntzun tke'yinte qa at jun at tnab'l ex qa at jun in ximan ti'j Dios.

³Kykyaqil ma che el tzpet, junx ma che el kykyaqil ex minti' kyajb'en. Mi a'l jun in b'inchan b'a'n, misikyer jun.

⁴Minti'x kynab'l qe b'inchal mya b'a'n. Aqeju in che yajlan kyi'j qe xjal etzan wu'ne, tuj kywitz qa mya il jlu, ex minti' in tzaj kyna'n nb'iye, chi Dios.

⁵Maske mi a'l jun xob'tzal kye, pero che jawil lu'lun tu'n kyxob'il, tu'nju kb'ajel t-sputun Dios kyb'aqil qe aj q'oj. Ok che okel tuj xmayb'il porke ik'un qe tu'n Dios.

⁶Kuchiwt tzaj kolb'il kye aj Israel twi witz Sión. Ok kyajtz meltz'aj qe xjal etzan tu'n Qman, aqeju otoq che'x q'i'n pres najchaq, ok che tzalajel qe tiyjil Jacob, kykyaqil qe aj Israel.