Read kumam Salmos 54 Bible Online

Salmos 54 - kumam bible

Salmos 54

¹A jlu o tz'ib'anjtz tu'n David tej kypon aj Zif q'malte tqanil te Saúl kyja': Lu David in ewan tuj qtx'otx'e, che chi. Nman Dios, chin tkloma tu'n tipumala. Colina wi'je tu'n tipumala.

²Nman Dios, b'intza aju nna'j Diose; q'ontz twi'ya kyi'j qe nyole.

³Qe xjal in jaw kyniman kyib' ex qeju jawni kywitz tu'n kyq'ojin ma che jaw we' wi'je ex kyaj tu'n nkub' kyb'yo'n. Minti' kyaj ti'ja Dios.

⁴Maske ikju pero aya in onin weye; tu'na kukx itz'x qine.

⁵Ex tu'na nna'j tq'o'na t-xel mya b'a'n in kyb'incha'n qe aj q'oj wi'je, xitun kub'a qe Nman, tu'nju tz'aqlxixa.

⁶Kxel nq'o'ne chojb'il teya tu'n wexe ngan, kjawil nnimsa'ne tb'iya tu'nju puro b'a'na,

⁷porke o chin klete tu'na tuj tkyaqil yajb'il weye, ex o wile o kub' kyi'j qe aj q'oj wi'je.