Read kumam Salmos 57 Bible Online

Salmos 57 - kumam bible

Salmos 57

¹B'itz tu'n David tej t-xi oq tuj toy' pik tej tel oq twitz Saúl Nman Dios, q'aq'antz tk'u'ja wi'je, q'aq'antz tk'u'ja wi'je, o'kx ti'ja q'uql nk'u'je. Waje tu'n nklonte wib'e kyjaq' qe t-xik'a okxi tb'aj xob'ajil.

²In chin kub'sane twitz Dios aju Dios Ma'xix Toklen, aju in onin weye tuj tkyaqil.

³Max tuj kya'j ktzajel t-sama'n Dios tk'ujlalil ex aju tyol axix tok, ex ok chin kletele tu'n kye qeju in che yajlante weye.

⁴Palch kub' qine twitz tx'otx' kyxol qe xjal ik kyten ik tza'n qe b'alun b'a'n che chyo'n xjal; ik tten twitz kye' ik tza'n qe lans ex qe plech, ex ik tten kytzi' ik tza'n jun spad b'anin ttzi'.

⁵Nman Dios tkub'a tib'aj kya'j. Nojni twitz tx'otx' tu'n tajwalila.

⁶Qe aj q'oj wi'je ma kub' kyq'o'n jun k'ob'il wi'je tu'ntzun ttzaj b'aj nk'u'je; ku'x kylaku'n jun jul tuj nb'eye, ex ax qe e je'x tz'aq tuj.

⁷B'anin tten wanmiye Nman Dios, b'anin tten wanmiye tu'n kyxi tb'itzan qe b'itz te teya.

⁸Q'i'mel twatla wanmiye; kyi'mel kywatle chnab' arpa ex kitar; ok chin jawil we'ye na'nxtoq ttzaj t-xe kya'j.

⁹Nman, kjawil nnimsa'na tuk'il b'itz kyxol qe tnam ex qe nasyon.

¹⁰Porke ma'xix tk'ujlalila ik tza'n kya'j; ex aju tyola axix tok max in japun kanun twitz kya'j.

¹¹Nman Dios tkub'a tib'aj kya'j. Nojni twitz tx'otx' tu'n tajwalila.