Read kumam Salmos 58 Bible Online

Salmos 58 - kumam bible

Salmos 58

¹A jlu o tz'ib'anjtz tu'n David Aqeye at kyoklene: ¿Tzinpe kub' kyq'o'ne qe sentens tuj tumelxix ex tzinpe xi kyb'incha'ne kyi'j xjal tuj tumelxix?

²Minti', o'kx in che ximane ti'j tu'n tb'ant mya b'a'n kyu'ne; ex in kub' kyq'o'ne kysentens xjal kyuwxix wen.

³Qe xjal mya b'a'n, atxix tuj talb'il kytxu' b'i'x in che el txalpuj; ax ikx qe nik'al yol in che el tzpet b'i'x ok kyul itz'j.

⁴At kyvenen ik tza'n kyvenen lob'aj; ik kyten ik tza'n q'anti' nno'k tq'on tib' te chkyin, nno'k tmaqsi'n tuj t-ẍkyin

⁵tu'ntzun mi'n tb'inte aju tq'ajq'ajel chnab' tu'n aj nab'l, aju at nim tnab'l tu'n t-xmoxin kyi'j lob'aj.

⁶Nman Dios, b'uchin etza qe twitz kye'. Nman, pa'n etza twitz kye' qe xjal lu; ik kyten ik tza'n qe b'alun.

⁷E kykub' naj ik tza'n in kub' tzqij a' nne'l qojl; e kytzqij ik tza'n k'ul at ttzi b'e.

⁸E kykub' ulj ik tza'n ju sjoq'txa'n nne'l ulj tujx ta'l ttzi', ex e kyok ik tza'n jun k'wa'l nnu'l itz'j na'nx tpon tq'ij tu'n tul itz'j.

⁹Na'nxtoq kyna'nte, jurat naj che jawil tx'emin ik tza'n k'ul, ex che xel q'i'n tu'n ttx'u'jil Dios ik tza'n in xi q'i'n jun ti'xti tu'n xkyaqinpaẍ.

¹⁰Aju xjal tz'aqlxix ktzalajel ok tok tke'yin otoq xelin kyi'j; knojel ti'j tqan tu'n kychk'el qe xjal mya b'a'n otoq che kyim tuj q'oj.

¹¹Oktzun kyma' xjal: Ax tok at jun tb'anil chojb'il kye qe xjal tz'aqlxix. Ax tok at jun Dios in kub' q'onte kycastiw xjal.