Read kumam Salmos 61 Bible Online

Salmos 61 - kumam bible

Salmos 61

¹B'itz tu'n David Nman Dios, b'intza tq'ajq'ajel nwi'ye tuj k'ixk'oj, b'intza aju nna'j Diose.

²Max jatum ponin b'aj ttxa'npun tx'otx' in jaw tq'ajq'ajel nwi'ye ti'ja, nib'an tb'aj tipun wanmiye. Chin ti'nxa tib'aj jun pik ma' twa'l, tu'ntzun nklete.

³Aya in ajb'en te kolb'il wib'e. Ik ttena ik tza'n jun ja ma' twa'l ex nim tipun jatum tu'n nklonte wib'e kywitz aj q'oj wi'je.

⁴Waje tu'n nnajane tuj tjaya te jumajx, tu'n nklonte wib'e kyjaq' qe t-xik'a.

⁵Nman Dios, o tb'iya qe yol e je'x ntziyane, ex ma tzaj tq'o'na wetzb'ile ik tza'nju in xi tq'o'na kye qeju at tchiylal tb'iya kye.

⁶Q'ontza ma'xix tanq'ib'l rey; e tanq'in nimxix ab'q'i,

⁷ex kukx tu'n tkawin tuk'il tky'iwb'ila. Kwentin oka tu'n tk'ujlalila ex tu'nju tyola axix tok,

⁸kyja'tzun kukx kjawil nnimsa'ne tb'iya, ex tkyaqil q'ij kjapunel wu'ne aju yol o txi ntziyane.