Read kumam Salmos 62 Bible Online

Salmos 62 - kumam bible

Salmos 62

¹B'itz tu'n David O'kx tu'n Dios in kub' txule' wanmiye, tuk'il in tzaj kolb'il weye.

²O'kxku tu'n in chin klete ex a in kolin wi'je. Mlay chin kub' tz'aqe tu'nju ate kolol weye.

³¿Jtoj b'an txi kykoline tu'n mi'n kyok tzoqpaje wi'je? Kyaje tu'n nkub' kyxitune mer ik tza'n jun tcajonil ja in kub' tilj, ex qa ik tza'n jun pe'n noqx tu'n tkub'ku tz'aq twitz tx'otx'.

⁴O'kx in che ximane ti'j tu'n nkub' kyxitune; aju mas in che tzalaje ti'j, atzunju nik'aj yol. In chin jaw kynimsa'ne tu'n kyyole, ex in kyma'ne mya b'a'n wi'je tuj kyanmiye.

⁵O'kx tu'n Dios in kub' txule' wanmiye, ex tuk'il in tzaj aju in chin ayone ti'j.

⁶O'kx tu'n in chin klete ex a in kolin wi'je. Mlay chin kub' tz'aqe, tu'nju ate kolol weye.

⁷Tuk'il Dios in tzaj kolb'il weye ex nimb'il weye; ate in kolin wi'je ex kolol weye.

⁸Aqeye tnam xjal kukx qe'k kyk'u'je ti'j Qman. Che yoline tuk'il tuj na'j Dios tu'n tkyaqil kyk'u'je. Ate Dios kolol qe.

⁹Ate xjal minti'x tajb'en, tza'nx ju meb'a ax ikx ju q'inun; qa ma che okx malet kykab'il tuj jun balans, mas ch'in kyalil twitz ch'in kyq'iq'.

¹⁰Mi'n tz'ok qe' kyk'u'je ti'j aju nne'l kyxk'a'yine kye xjal, mi'n jaw kyniman kyib'e ti'j aju nne'l kyelq'a'ne. Qa ma che oke q'inun, mi'n tz'ok qe' kyk'u'je ti'j pwaq.

¹¹Jun maj o yolin Dios; ex atzun kab'e yol lu o nb'iye: O'kxte Dios at tipumal.

¹²O'kx teya at tk'ujlalila Nman, ex aya in tzaj q'onte chojb'il te teyle junjun ik tza'nx ju taq'unb'en.