Read kumam Salmos 63 Bible Online

Salmos 63 - kumam bible

Salmos 63

¹A jlu o tz'ib'anjtz tu'n David tej tten tuj tzqij tx'otx' tuj Judá Nman Dios, aya Ndiose. Tu'n tkyaqil wanmiye in chin jyone ti'ja; nimxix tajb'il wanmiye ti'ja ex enter nximlale taj ti'ja, ik qine ik tza'n tzqij tx'otx' ma b'aj tipun ex minti' a' tuj.

²Wajb'ile tu'n tok nke'yine tuj tjaya ex tu'n tok nke'yine tipumala ex tajwalila.

³Aju tk'ujlalila te weye mas ma' t-xilen twitz ju anq'ib'l. Kxel nq'o'ne chjonte teya;

⁴tuj tkyaqil wanq'ib'le kxel nq'o'ne chjonte teya ex kjawil nyek'une nq'ab'e twitza tu'n nyoline tuk'ila.

⁵B'i'x kqeb'el nk'u'je ik tza'n jun xjal in noj tk'u'j tuj jun nintz wa'n tb'anilxix, ex kxel nq'o'ne chjonte teya tu'n tzalajb'il.

⁶Ok koẍl qine te qonik'an, nnu'la ti'j nk'u'je ex in chin ok tene ximal ti'ja,

⁷porke aya onil weye. In chin tzalaje tu'nju kwentin qine tu'na.

⁸Tokxix wanmiye ti'ja ex tzyu'nxix qine tu'n tb'anq'ab'a.

⁹Qeju kyaj chin kub' kyb'yo'n che b'elex max t-xe'pun tx'otx';

¹⁰che kymel tu'n spad, ex che b'ajel chyo'n kyu'n xo'j.

¹¹Ex aqine rey ok chin tzalajele ti'j Dios; kykyaqil qeju in xi kyma'n jun yol axix tok twitz Dios che b'itzal, atzun qeju in che nik'an yol, klemetel kytzi'.