Read kumam Salmos 64 Bible Online

Salmos 64 - kumam bible

Salmos 64

¹B'itz tu'n David Nman Dios, b'intza aju tq'ajq'ajel nwi'ye ok njaw ayayane; chin tkloma kywitz qe aj q'oj wi'je xob'ajilxix qe.

²Chin tewanxa kywitz qe xjal in b'aj kyximan mya b'a'n wi'je tuj ewaj; chin tkloma tuj kyximb'etz qe xjal mya b'a'n,

³aqeju ik tten kyaq' ik tza'n spad b'anin ttzi' wen, ex qe kyyol in che k'ixb'i xjal kyu'n mer ik tza'n plech in tzaj xo'n kyi'j xjal.

⁴Max tuj kyewb'il in tzaj kytzoqpi'n qe kyplech kyi'j qeju minti' kyil; noq minab'en in tzaj kytzoqpi'n ex minti' in tzaj t-xob'il kyi'j.

⁵In kynimarin kyib' kyxolx tu'n kyb'inchante mya b'a'n; in b'aj kyximan tu'n tkub' kyq'o'n qe k'ob'il tuj ewaj, ex in kub' kyximan qa mi a'l jun in ke'yinte kye,

⁶ex qa mi a'l jun jaku b'aj tke'yin ju kyb'inchb'en mya b'a'n. Ex aju nne'l tnik' kyi'j qe t-ximb'etz xjal tujxi tanmi, kb'ajel tke'yin tkyaqil jlu.

⁷Ok che k'ixb'isetel tu'n Dios kyu'n qe plech, ex noq minab'en che okel k'ixb'isa'n;

⁸ok che b'el tz'aq tuj kyex kyyol, ex qeju che ke'yilte kye che okel ten xmayil kyi'j.

⁹Kykyaqiltzun xjal che xel q'onte nimb'il te Dios ex che okel ten yolil ti'j taq'unb'en; ex k'elel kynik' ti'j aju o tb'incha.

¹⁰Qe xjal tz'aqlxix che tzalajel ti'j Qman ex kqeb'el kyk'u'j ti'j, ex kykyaqil xjal tz'aqlxix ok che tzalajel.