Read kumam Salmos 67 Bible Online

Salmos 67 - kumam bible

Salmos 67

¹Jun b'itz Nman Dios, q'aq'antz tk'u'ja qi'je, ex qo tky'iwlama, qo tke'yintza tu'n tzalajb'il,

²tu'ntzun tel kynik' kykyaqil xjal twitz tx'otx' ti'j ju tajb'ila ex ju kolb'il tu'na.

³Nman Dios, e t-xi kyq'o'n xjal chjonte teya; kykyaqil xjal b'a'n tu'n t-xi kyq'o'n chjonte teya.

⁴E kysch'in tu'n tzalajb'il qe xjal kyuj qe nasyon, porke in kawina kyib'aj qe tnam tuj tumelxix, ex aya ẍaqlul kye qe nasyon tuj tkyaqil twitz tx'otx'.

⁵Nman Dios, e t-xi kyq'o'n qe xjal chjonte teya; kykyaqil xjal b'a'n tu'n t-xi kyq'o'n chjonte teya.

⁶Ma tzaj tq'o'n tx'otx' twitz awal ex ma qo ky'iwlanjtz tu'n Qdios.

⁷Awt Dios ky'iwlante qe. Kuchiwt kykyaqil xjal twitz tx'otx' tu'n kyniman te ex tu'n kyxob' twitz.