Read kumam Salmos 76 Bible Online

Salmos 76 - kumam bible

Salmos 76

¹B'itz tu'n Asaf Ojtzqi'maj Dios tuj Judá; ma'xix t-xilen tb'i kyxol aj Israel.

²Aju tja, atzun tkub' twi witz Sión tuj Jerusalén;

³atzun kub' ttoqin qe makb'il in che ajb'en tuj q'oj: Qe maqb'il, qe spad, qe xob'l plech ex kyuk'ix qe plech.

⁴Nman Dios, nimxix tajwalila. Ma'xix t-xilena kywitz qe witz minti' b'ajsb'il kye.

⁵Qeju mas kyuw kyk'u'j tuj q'oj, el q'i'n tkyaqilju at kye. Qeju mas nim kyipun, minti' jun o b'ant kyu'n; noq o'kx e ik' tan qe ex b'i'x e kyim.

⁶Ex minti'lpe b'ant kyyukch qe carwaj ex qe chej tej kyok t-xob'tza'na, aya Tdios Jacob.

⁷Puro xob'ajilxixa. ¿Alkye jun jaku kub' we' twitza ok ttzaj ttx'u'jila?

⁸Max tuj kya'j tzaj tyek'una aju sentens tzaj tq'o'na; tzaj t-xob'il ti'j tx'otx' ex noq kub' txule'

⁹tej tjaw we'ya Nman Dios tu'n tkub' tq'o'na kysentens qe xjal, ex tu'n kyklet kykyaqil qeju in che b'aj yajla'n tzalu twitz tx'otx'.

¹⁰Aju kyq'oj xjal in tzaj, kch'expetel tu'na tu'n tajb'en te nimb'il teya; ex atzun txqantl kyq'oj xjal kmayetel tu'na.

¹¹Kytziyanxe jun yol te Qman aju Kydiose, ex japunx kyu'ne. Aqeye xjal ate' kyuj qe nasyon ate' kyi'jele aj Israel, kyi'ntze qe oyaj twitz Dios aju b'a'n tu'n qxob' twitz.

¹²Porke in naj kyipumal qe kawil tu'n ex in tzaj kyxob'il qe rey tu'n, aqeju ate' twitz tx'otx'.