Read kumam Salmos 80 Bible Online

Salmos 80 - kumam bible

Salmos 80

¹B'itz tu'n Asaf Aya Pastor kye aj Israel qo tb'intza, aya ẍaqlul kye tiyjil José ik tza'n txqan ẍne'l, ex tkub'sa'n tq'uqb'ila kyib'aj qe querubín, ke'yintza qe tiyjil Efraín tu'n tzalajb'il,

²ax ikx qe tiyjil Benjamín ex qe tiyjil Manasés. We'ktza ex qo tkloma tu'n tipumala.

³Nman Dios, q'i'n ajtza ti'j qanmiye tu'n qajb'ene juntl maj teya. Qo tke'yintza tu'n tzalajb'il tu'ntzun qklete.

⁴Nman Dios aya Tajaw Tkyaqil, ¿jtoj txi tkolina tu'n tq'ojina qi'je? ¿Jtoj tzaj tb'i'na qna'j Diose, aqo'ye etzan tu'na?

⁵Noq oq'el ma tzaj tq'o'na mer ik tza'n qwaye; ex mer ik tza'n qk'a'ye ma tzaj tq'o'na nim oq'el.

⁶Ma txi tq'o'na amb'il tu'n qok xmayine kyu'n qe nasyon qvesin qib'e kyuk'il, ex in che tze'n qe aj q'oj qi'je.

⁷Nman Dios Tajaw Tkyaqil, q'i'n ajtza ti'j qanmiye tu'n qajb'ene juntl maj teya, qo tke'yintza tuk'il tzalajb'il tu'ntzun qklete.

⁸Tuj tx'otx' Egipto e je'tz ti'na qe xjal etzan tu'na, mer ik tza'n jun wi' tqan uva, ex ma che ik' tlajo'na qe txqantl nasyon tuj kytx'otx' ex ma ku'x tawa'na tqan uva lu.

⁹Ma b'aj taq'nana tx'otx', ex aju tqan uva ma txi' tlok' ex ma noj tuj tx'otx' lu tu'n.

¹⁰Ma che kyaj ten qe witz tjaq' t-xlekumal, ex qe nmaq tze' b'i'x ma che kyaj b'aj tjaq' t-xlekumal tq'ab'.

¹¹Max ma pon ch'iy tq'ab' ttzi nima Éufrates.

¹²¿Tiqu'n ma b'aj t-xituna tpe'n ex ma taq'a amb'il kye xjal in che ik' tuj b'e tu'n tel kyxilin twitz?

¹³Ma b'aj naj kyu'n b'och te tjaq' k'ul, ex ma b'aj kywa'n qe txkup tuj k'ul.

¹⁴Nman Dios Tajaw Tkyaqil, tajtza quk'ile; qo tke'yintza max tuj kya'j ex ximana ti'j tqan uva lu,

¹⁵aju axa ku'x awante te, ex tu'nxa ma ch'iy t-xul.

¹⁶E kynaj tu'n tq'oja qeju in che b'aj tx'eminte ex nno'kx kyq'o'n tuj q'aq';

¹⁷ex onintza aju xjal ma jaw t-sk'o'na ex aju tk'wa'l tu'nxa ma ch'iy.

¹⁸Mlay tz'el qpa'n qib'e ti'ja juntl maj; q'ontza qchwinqlale ex o'kx teya qo kub'sale.

¹⁹Nman Dios aya Tajaw Tkyaqil, q'i'n ajtza ti'j qanmiye tu'n qajb'ene juntl maj teya, qo tke'yintza tuk'il tzalajb'il tu'ntzun qklete.