Read kumam Salmos 82 Bible Online

Salmos 82 - kumam bible

Salmos 82

¹B'itz tu'n Asaf Q'uql Dios tuj tq'uqb'il kyxol qe dios kyb'uyin kyib' twitz tu'n kyok tuj xjel tu'n, chi kyja':

²¿Jtoj b'an t-xi kykoline tu'n mi'n kyb'inchanteye xtis mya tuj tumel, ex jtoj txi kykoline tu'n kykoline kyi'j qe xjal mya b'a'n?

³Kyb'inchanxe kyi'j qe xjal minti' kyipun ex kyi'j qe k'wa'l minti' kyman ex kytxu'. Kyb'inchanxe kyi'j qe meb'a ex kyi'j qeju minti' at kye.

⁴Kyklome qeju minti' kyipun ex qe meb'a, ex kyklome qe kywitz qe xjal mya b'a'n.

⁵Atzun kyeye minti' b'a'n kyu'ne ex minti' nno'kx tuj kywi'ye; in che b'ete tuj qlolj. Tuj tkyaqil twitz tx'otx' minti'tl in xi kyb'incha'ne kyi'j xjal tuj tumel.

⁶Xi nma'ne kyja': Aqeye dios qeye ex kykyaqile tk'wa'l Dios ma'xix toklen, nchiye.

⁷Maske ikju, pero che kymele ik tza'nx kykyaqil xjal, che najele ik tza'n in che naj noq alkyexchaq nejenel, chi Dios.

⁸Nman Dios we'ktza ex q'onka kycastiw qe xjal tuj tkyaqil twitz tx'otx', porke aya kyajwil kykyaqil nasyon.