Read kumam Salmos 85 Bible Online

Salmos 85 - kumam bible

Salmos 85

¹Aju b'itz lu o tz'ib'anjtz tu'n tajb'en te kye tiyjil Coré Nman Dios, b'a'n ma tb'inchaya ti'j ju tx'otx' etzan tu'na. Ma tzaj tq'o'na juntl maj tzalajb'il kye aj Israel.

²Ma kub' tnajsa'na aju mya b'a'n o kyb'incha qe xjal etzan tu'na ex tkyaqilju kyil;

³te jumajx ma chewix tq'oja ex ttx'u'jila.

⁴Dios aya klol qeye, ax ikx qo tkloma ja'lo ex mi'n kukx tq'ojina qi'je.

⁵¿Kukxpetzun ktel tq'oja qi'je? ¿Te jumajxpetzun ktzajel ttx'u'jila qi'je?

⁶¿Mi'npetzun tzaj tq'o'ntla qchwinqlale tu'ntzun qtzalaje ti'ja, aqo'ye etzan tu'na?

⁷Nman Dios, yek'untza qeye aju tk'ujlalila ex qo tkloma.

⁸Kb'el nb'i'ne aju ktzajel tma'n Qman, porke ktzajel tma'n tu'n kyten tuj txub'txaj qe xjal etzan tu'n, kyuk'ix qeju in che niman te, tu'ntzun mi'n kyb'inchante juntl maj aju mya tuj tumel.

⁹Ax tok niqa' ta' te Dios tu'n kyklet qeju in che niman te; ktel tajwalil tuj qtanmi.

¹⁰Aju tk'ujlalil Dios ex aju tyol axix tok ma kyk'ulb'a kyib', aju ttxub'txajal ex ju tz'aqlxix ma b'aj kytz'ub'an kytzi',

¹¹aju yol axix tok kjawil poq'l twitz tx'otx' ex aju Dios tz'aqlxix ktzajel tke'yin max tuj kya'j.

¹²Tu'nx te Qman ktzajel tq'o'n jb'al, ex ktzajel tq'o'n qtx'otx' twitz qawal.

¹³Aju tz'aqlxix kb'el nej twitz Qman, ex tu'n kb'ajel tb'incha'n ju tb'e.