Read kumam Salmos 89 Bible Online

Salmos 89 - kumam bible

Salmos 89

¹A jlu o tz'ib'anjtz tu'n Etán aju tiyjil Ezra Nman Dios, kukx chin b'itzale ti'j tk'ujlalila ex kukx kxel ntx'olb'a'ne qa in japunxix ju tyola tu'na.

²Kxel nq'o'ne tqanil qa te jumajx ju tk'ujlalila, in japunxix ju tyola ex minti' in ch'expet; ik tza'n te kya'j minti' in ch'expet, ikxtzunju tyola minti' in ch'expet.

³Kyaj b'ant ti'j jun tyola tuk'il David ex xi ttziyana te tmajena sk'o'maj tu'na, chiya kyja':

⁴Qe tiyjila che ul te tib'ajxi che okel nq'o'ne te kawil te jumajx te t-xela.

⁵Nman Dios, kykyaqil qeju ate' tuj kya'j in kyq'o'n chjonte teya tu'nju in japunxix tyola, ex tu'nju tb'inchb'ena ma'xix t-xilen.

⁶Mi jun anjel mi qe txqantl ate' tuj kya'j in pon ik tza'n teya Nman.

⁷Porke ma' t-xilena Dios, ex xob'ajilxixa, txolin ti'ja kyu'n qeju ate' tuj kya'j.

⁸Nman Dios aya Tajaw Tkyaqil, at nim tipumala ex tzyu'n aju yol axix tok tu'na; minti' juntl jaku pon ik tza'n teya.

⁹In kawina tib'aj mar ok in tzaj pulin kyuw wen ex in q'ajen tu'na.

¹⁰B'i'x kub' tpach'u'na ju nintz jil tuj mar, ex b'i'x kub' tb'yo'na; ex e b'aj t-sputuna qe aj q'oj ti'ja tu'n tipumal tq'ab'a.

¹¹Teya kya'j ex tx'otx'; tu'na o b'ant twitz tx'otx' ex kykyaqil qeju ate' twitz.

¹²Tu'na o b'ant enter twitz tx'otx', tza'nx jun pak' ikx juntl pak'; qe witz Tabor ex Hermón in che b'itzan tu'n tzalajb'il ti'j tb'iya.

¹³At nim tipumala ex in kub' ti'j tkyaqil tu'na tu'nju tipumala.

¹⁴Kyuw tten tq'uqb'ila porke atzun in b'inchet ju tz'aqlxix tu'na, ex in tb'incha'na tkyaqil tuj tumel; in tzaj tyek'una tk'ujlalila ex aju tyola axix tok tu'n tkyaqilju in tb'incha'na.

¹⁵Nman Dios, at tzalajb'il kye qe xjal b'a'n che q'on chjonte teya ex in che b'et tuj t-spik'umala,

¹⁶in che tzalaj ti'ja tkyaqil q'ij ex in che tzalaj tu'nju tz'aqlxixa.

¹⁷Ax tok aya q'ol qipumale tb'anilxix, ex tu'n t-xtalb'ila kyja' tok mastl qipune.

¹⁸Ate Qman klol qe, aju Dios Xjan kye aj Israel, atzun qreyju.

¹⁹Tuj tq'ijlalil ojtxi mer ik tza'n tuj witzik' o yolina kye qe tmajena in che nimanxix teya, ex tzaj tma'na kye kyja': Kyxol qe xjal etzan wu'ne ma jaw nsk'o'ne jun minti' in b'aj tk'u'j, ma tz'ok nq'o'ne toklen ma'xix ex ma txi nq'o'ne onb'il te.

²⁰Ma knet David wu'ne tu'n tok te nmajene. Ex ma jax nq'o'ne aseyt xjan tuj twi' tu'n tk'monte toklen te rey.

²¹Kukx chin onile ti'j ex k'okel tipun wu'ne tu'n wipumale;

²²mlay che ok tzoqpaj qe aj q'oj ti'j ex mlay kub' ti'j kyu'n qe b'inchal mya b'a'n.

²³Twitz che b'el npach'u'ne qe aj q'oj ti'j; ex che b'el nk'ixb'isa'ne qeju in che ik'un te.

²⁴K'okel nk'ujla'ne ex kjapunel nyole tuk'il; wu'ne k'okel mas tipun.

²⁵Kxel nq'o'ne toklen ex ktzyetelx tkawb'il max ttzi Nintz mar tu'n tpon b'aj ttzi nima Éufrates.

²⁶Ktzajel tma'n weye: Aya Nmane ex Ndiose, aya kolol wi'je ex klol weye.

²⁷Kxel nq'o'ne toklen ik tza'n tnejel nky'ajale, tu'ntzun mas ma' toklen kywitz txqantl rey twitz tx'otx'.

²⁸Kukx ktel nk'ujlalile ti'j te jumajx, ex mlay ch'expet nyole kyjel b'ant ti'j tuk'il.

²⁹Qe tiyjil che ul itz'j te tib'ajxi che kawil te jumajx te t-xel, akux atxku kya'j.

³⁰Qatzun ma tz'el kypa'n kyib' ti'j nxnaq'tzb'ile ex qa minti' ma che b'et ik tza'nx in xi nma'ne,

³¹qa ma che ik' tib'aj nleye ex qa mi'n ma che japun qe nmandamyente kyu'n,

³²kb'el nq'o'ne kycastiw tu'n tlaj mib'an che b'in ex tu'n tlaj ju mya b'a'n in kyb'incha'n; ex che b'ajel npeq'ane tu'n tze';

³³ex mlay b'aj nk'ujlalile ti'j David, ex mlay b'ant tu'n mi'n tjapun aju xi ntziyane te.

³⁴Mlay kub' nq'uchine aju yol kyaj b'ant ti'j wu'ne tuk'il, ex mlay b'aj nch'expu'ne aju yol o txi ntziyane te.

³⁵Te jumajx o txi ntziyane aju yol te David, tu'nju xjan qine, ex mlay chin nik'ane yol te.

³⁶Qe tiyjil che ul itz'j te tib'ajxi che okel te kawil te jumajx te t-xel, akux kukx at q'ij.

³⁷Kukx ktel kykawb'il te jumajx ik tza'n ju xjaw, ex kukx ktel kykawb'il te jumajx akux atx kya'j, chitzuna tmaya.

³⁸Atzun ja'lo ma tz'el tik'una aju rey jaw t-sk'o'na ex ma tzaj tq'oja ti'j.

³⁹Ma kub' tq'uchina aju yol kyaj b'ant ti'j tu'na tuk'il tmajena; ma tz'el tik'una ex ma tz'el ti'na toklen.

⁴⁰Ma kub' t-xituna ju muro tok ti'j ttanmi, ex ma che kub' t-xituna qe cuartel jatum in tklon tib'.

⁴¹Kykyaqil xjal in che ik' tuj lugar lu in xi kyelq'a'n tkyaqilju at te, ex qe tvesin rey in che xmayin ti'j.

⁴²Ma txi tq'o'na kyipumal aj q'oj tu'n tkub' ti'j kyu'n, ex ma txi tq'o'na tzalajb'il kye qeju in che q'ojin ti'j.

⁴³Ma b'aj naj ttzi t-spad tu'na ex minti' ma tz'onina ti'j tuj q'oj.

⁴⁴Ma tz'el ti'na tajwalil; ma tz'el tik'una ex ma tz'el ti'na tipumal tkawb'il;

⁴⁵ma tijin naj tu'na, ex ma kub' tq'o'na nim tch'ixwi.

⁴⁶Nman Dios, ¿jtoj txi tkolina tu'n t-xi tewan tib'a? ¿Kukxpe ktzajel tq'oja mer ik tza'n q'aq' in k'ant?

⁴⁷Nman, na'ntza qa noq ch'in tuj wab'q'iyile; ex qe xjal e b'ant tu'na noq ch'in in che ten twitz tx'otx'.

⁴⁸Mi jun xjal kyjel ten te jumajx ex qa mi'n kyim; ex mi jun xjal jaku b'ant tklonte tib' tu'n mi'n tkyim ex tu'n mi'n tpon tuj kynajb'il kyimni.

⁴⁹Nman Dios, ¿jatum ta' tk'ujlalila aju attoq nej, aju xi ttziyana te David axix tok tu'n tjapun tu'na?

⁵⁰Nman, na'ntza ma che el ik'un qe tmajena kyu'n nimku xjal ex ma pon ta'w tuj wanmiye tu'nju in che ok ik'le'n.

⁵¹Nman Dios, kyja'tzun tten ma qo el ik'une kyu'n qe aj q'oj ti'ja; ex kyja'tzun tten ma tz'el ik'un ju xjal sk'o'maj tu'na ex in che xmayin ti'j tkyaqil maj.

⁵²Nimanxwit tb'i Qman te jumajx. Ikxwitju.