Read kumam Salmos 91 Bible Online

Salmos 91 - kumam bible

Salmos 91

¹Aju xjal nno'kx tewan tib' tuk'il Dios tu'n tklet, k'anq'il tjaq' t-xmu'jil Dios aju Tajaw Tkyaqil ex at tipumal tu'n tb'ant tkyaqil tu'n.

²Kxel nma'ne te Qman kyja': Aya jun ja kyuw b'inchb'en te jatum tu'n tokx nklon wib'e, aya Ndiose q'uql nk'u'je ti'ja.

³O'kx a Dios jaku klonte teya te k'ob'il tkub'sa'n tuj ewaj ex jaku kleta tu'n te tx'u'j yab'il,

⁴ex kyjel tena tjaq' t-xik' tu'n tqe' tk'u'ja. Aju tyol axix tok k'ajb'el te kolb'il teya ik tza'n jun maqb'il.

⁵Mlay xob'a twitz ju xob'tzal in b'et qonik'an, ex mlay xob'a kywitz qe plech in che tzaj xo'n ti'ja q'ijl.

⁶Mlay xob'a te tx'u'j yab'il in b'et tuj qlolj, ex mlay xob'a te k'ixb'isab'l in che naj xjal tu'n te q'ijl.

⁷Che b'el b'yo'n jun mil xjal ate' tuj tnayaja ex laj mil tuj tb'anq'ab'a, atzun teya minti' kb'ajel ti'ja.

⁸Ok tila'ya jlu tu'n twitza ex ok tila'ya ok tkub' kycastiw qe b'inchal mya b'a'n.

⁹Tu'nju ma tz'ok Qman te tkolb'il tib'a ex ma tz'ok tklon tib'a ti'j Dios aju ma'xix toklen,

¹⁰mlay tk'ulb'aya jun mya b'a'n ex mlay kanun tx'u'j yab'il tuj tjaya.

¹¹Che tzajel t-sama'n qe anjel tu'n tok kwentina kyu'n noq jatum ma txi'ya.

¹²Kxel q'i'na kyu'n tu'n kyq'ab' tu'n mi'n tok takpaj tqana ti'j ab'j.

¹³Che b'el twab'ana qe b'alun kyuk'ix qe q'anti', ikx qe b'alun q'i'n kyipun ex qe lob'aj.

¹⁴Chi Dios in tma'n: Ok kletel ju okslal wu'ne, ex kjawix nq'o'ne tuj lugar segurxix, tu'nju ma tz'el tnik' wi'je ex at tk'ujlalil wi'je.

¹⁵Ok tkub'san nwitze ktzajel nq'o'ne te aju in tqanin; ex aqine chin tel tuk'il. Ok kletel wu'ne ok ttzaj joyb'il ti'j ex kjawil nnimsa'ne.

¹⁶Nim ktzalajel tu'nju nim tuj tanq'ib'l, ex ktzalajel ti'j ju kolb'ilte wu'ne.