Read kumam Salmos 99 Bible Online

Salmos 99 - kumam bible

Salmos 99

¹Ate Qman in kawin, tkub'sa'n tq'uqb'il kyib'aj qe querubín. In che jaw lu'lun qe nasyon tuk'ix enter tx'otx'.

²Ma'xix toklen Qman tuj tnam Sión; ma'xix toklen kyib'aj kykyaqil tnam.

³Nimanxwit tb'i, ma'xix toklen ex xob'ajilxix; Ate Dios xjante.

⁴Aya jun rey ma'xix tipumal in tzalaja tu'n tb'ant aju tz'aqlxix; tu'na kub' tq'o'na jun ley tuj tumelxix, o tb'inchaya aju tz'aqlxix ex aju tjiqumal ti'j kyi'j aj Israel.

⁵Kynimsa'n jawe Qman aju Qdios, ex che ẍmeje'kuye twitz tq'uqb'il. Ate Dios xjante.

⁶Ate Moisés tuk'ix Aarón at kyoklen ik tza'nx qe pal; atzunte Samuel at kyxol qeju in jaw kynimsa'n tb'i Qman. Tej t-xi kyqanin onb'il te Qman, e tzaj tzaq'we'n tu'n.

⁷O yolin Dios kyuk'il max tuj jun muj otoq kub' ten kyib'aj, ex o che japun qe tmandamyent kyu'n tuk'ix ju ley xi tq'o'n kye.

⁸Aya Qman Dios e je'x ttzaq'we'na qe. Kub' tnajsa'na kyil, ax ikx kub' tq'o'na kycastiw ti'j kyb'inchb'en mya b'a'n.

⁹Kynimsan jawe Qman Dios, che ẍmeje'kuye twitz twi witz xjan aju etzan tu'n. Porke ate Qman Dios xjante.