Read kumam Eclesiastés 11 Bible Online

Eclesiastés 11 - kumam bible

Eclesiastés 11

¹Q'onkuya tk'a'ẍa tuj ela' tnam; ex oktzun tel q'ij at kamb'ab'l teya tu'n.

²Q'onkuya ela' txkaj tk'a'ẍa, porke minti' b'a'n tu'na mya yaj tzaj jun mya b'a'n twitz tx'otx'.

³Qa nojni tuj muj tu'n a', in tzaj jb'al tib'aj tx'otx'. Qa ma kub' tz'aq jun tze' te jawni ex qa kyja' ma txi tz'aq te kub'ni, ax in kyaj ten.

⁴Qa at kyq'iq' in xi tke'yin jun xjal, minti' in xi' awal, ex qa at muj in xi tke'yin, minti' in xi' chmol twitz tawal.

⁵Ik tza'n minti' b'a'n tu'na tza'n in xi' kyq'iq' ex minti' b'a'n tu'na tza'n tten in ch'iy jun tal ne' tuj talb'il ttxu', ikxtzun minti' b'a'n tu'na alkye in tb'incha'n Dios, aju b'inchalte tkyaqil.

⁶Awan ku'xa tiyaja te prim, ax ikx te qale, porke minti' b'a'n tu'na alkye jaku tz'el mas b'a'n, qa aju in ku'x awet naj ex qa aju in ku'x awet yajxi, ex qa kykab'il jaku che el b'a'n.

⁷B'a'nxix te spik'un, ex b'a'n tu'n kyke'yin qe tb'aq' witzb'aj aju q'ij;

⁸maske nim ab'q'i tz'anq'in jun xjal ex otoq tzalaj kyi'j qe jlu, pero b'a'n tu'n ttzaj tna'n qa aqe q'ij te qlolj nimxix qe; ex tkyaqilju tzul te tib'ajxi noqx gan qe jlu.

⁹Aya ku'xun, tzalajxa tuj tku'xumala; achina ja'lo ti'j ju b'a'n tuj twitza. B'inchama tkyaqilju in pon tk'u'ja ti'j ex achina ti'j tkyaqil, pero na'ntza, k'okela tuj xjel tu'n Dios ti'j tkyaqilju in tb'incha'na.

¹⁰Q'in ela b'is tuj tanmiya, ex q'in ela k'ixk'oj ti'ja, porke qe q'ij tuj tku'xumala nik'xi in che ten.