Read kumam Isaías 12 Bible Online

Isaías 12 - kumam bible

Isaías 12

¹Tuj tq'ijlalil tzul kxe'l tma'na kyja': In xi nq'o'ne chjonte teya Nman; maske o tzaj tq'oja wi'je, pero ma b'aj tq'oja ex ma tzaj tq'uqb'a'na nk'u'je juntl maj.

²Ate Dios in kolin wi'je; q'uql nk'u'je ti'j, mlay chin xob'e. Ti'j Qman nno'k nklon wib'e ex chin b'itzale te; ma chin klete tu'n.

³Ax ikx kyeye, b'a'n tu'n kyxi'ye k'al tuk'il tzalajb'il ti'j twi a' te kolb'il.

⁴Tuj tq'ijlalil tzul ok kyma'ye: Kyq'onxe chjonte te Qman ex che kub'sane twitz, kytx'olb'anxe kye qe nasyon aju ma tb'incha, kymanxe kye ti'j nim toklen tb'i.

⁵Che b'itzane te Qman porke ma'xix aju ma tb'incha, a jlu b'a'n tu'n tojtzqinjtz tuj tkyaqil twitz tx'otx'.

⁶Che sch'ine tu'n tzalajb'il ex che b'itzane, aqeye najl tuj tnam Sión, porke ma'xix toklen aju Dios Xjan kye aj Israel, aju at kyxole.