Read kumam Isaías 18 Bible Online

Isaías 18 - kumam bible

Isaías 18

¹B'ek'b'il twitz ju tx'otx' jatum in che ranin qe tal jil tu'n kyxik', aju max ta' kyi'jxi qe nima tuj Etiopía,

²aju in che'x t-sama'n qe t-sanjel tu'n kyb'et tuj barc tib'aj nima Nilo, qe kybarc b'inchamaj ti'j sim. Kyxi'ye aqeye sanjel kyuw che b'ete, kyxi'ye kyuk'il qe xjal ma' kywa'l ex in qoptz'aj ti'j kyximlal, atzun jun nasyon xo'nxix wen tuj tkyaqil part ex atzun tnam lu at-xix tipun ex in kub' kyi'j txqantl tnam tu'n ex tkub'sa'n tuj jun tx'otx' kyxol qe nima.

³Kykyaqile aqeye najl twitz tx'otx' ok kyila'ye ok tjaw jun techal kywi witz, ex ok kyb'i'ye tq'ajq'ajel twi chun ok tok q'ajtza'n.

⁴Ma tma Qman weye: Max tuj lugar jatum atine ktzajel nke'yine tuj txub'txaj, ik tza'n tqan q'ij tuj jun q'ij te koresma, ex mer ik tza'n ch'in muj tu'n tq'ab' che'w tuj tq'ijlalil ta'w kyaq ok tjaw chmet twitz awal.

⁵Ok tkub' b'aj t-xmakal tqan uva ex matoq in q'anax twitz, ex na'nxtoq tu'n tpon tq'ijlalil tu'n tjaw chmet twitz, kb'ajel kypodarin qe tq'ab' tu'n kchil, k'elel kytx'e'min ex k'elex kyxo'n.

⁶Kykyaqil kyximlal qe kyimni kyjel ten te kychi' qe k'utz ate' twi witz ex te kychi' txkup te tjaq' k'ul. Ax che tel qe k'utz ma chixin tuj enter koresma ex kykyaqil txkup te tjaq' k'ul che tel ma chixin tuj jb'alil.

⁷Tuj tq'ijlalil tzul ktzajel kyi'n qe oyaj te Qman aju Tajaw Tkyaqil; aqeju che tzajel q'inte, atzun qe xjal ma' kywa'l ex in qoptz'aj ti'j kyximlal, atzun jun nasyon xo'n wen tuj tkyaqil part, ex atzun tnam lu nimxix tipun ex in kub' kyi'j txqantl tnam tu'n, tkub'sa'n tuj tx'otx' kyxol qe nima. Ktzajel kyi'n qe oyaj tu'n kyul twi witz Sión, jatum in na'njtz tb'i Qman aju Tajaw Tkyaqil.