Read kumam Isaías 47 Bible Online

Isaías 47 - kumam bible

Isaías 47

¹Tku'tza ex qekuya tuj quq aya tnam Babilonia; ik ttena ik tza'n jun tal q'apoj na'nx tknet tchmil; tku'tza tuj tq'uqb'ila ex qekuya twitz tx'otx' aya tnam Caldeo; ik ttena ik tza'n jun tal q'apoj, ex mlaytl kyma xjal ti'ja qa ne'x ta'ya ex qa tkwentin tib'a wen.

²Tzyuma tal kya' ex che'nktza triw, q'in ela xb'alun aju tok te txayb'il twitza, jalo'n jawa tchuya, e tkyaj sb'aje' tkuxa, tik'x b'eta kyuj qe nima;

³e tkyaj q'ancha'l tkyaqil t-ximlala sqi't ti'j, tu'n ttzaj tch'ixwiya. Kb'el tcastiwoya wu'ne ti'j tb'inchb'ena mya b'a'n, ex mi jun jaku mayonte weye.

⁴Aju kolpil qe, atzunju Dios Xjan kye aj Israel, aju tok tb'i Qman Tajaw Tkyaqil.

⁵Chi Qman kyja': Qekuya ex mi'n q'ajta aya tnam Babilonia, tokxa tuj qlolj ex mlay tz'ok q'ma'ntl tb'iya xu'j rey kawil kyib'aj nasyon.

⁶Tej ttzaj nq'oje ti'j ju tnam sk'o'maj wu'ne, e el wik'une qe xjal ate' tuj, aqeju etzan wu'ne, ex e je'x nq'o'ne tuj tq'ab'a tu'n tkub' kyi'j tu'na; atzun teya minti' tzaj tz'e'y tk'u'ja kyi'j, noq o'kx e b'aj tyajla'na qe tij xjal ate' kyxol.

⁷O tmaya kyja': Kukx chin kawile te jumajx aqine xu'j rey. Minti' kub' tena ximal ti'j jlu ex minti' kub' tena ximal ti'j tza'n tten tu'n tpon b'aj b'ajsb'il teya.

⁸Kyja'tzun b'intza jlu ja'lo, aya xu'j nimxix tganiya tu'n tachina; tuj twitza segurxix ta'ya tuj tkawb'ila ex in b'aj t-ximana tuj tanmiya kyja': O'kxku aqine ex minti' juntl ik tza'n weye; mlay chin oke te meb'a xu'j ex mlay chin kyaj tene minti' wale.

⁹Ex minab'en, te junx q'ij che tzajel qeju kab'e mya b'a'n lu ti'ja: Kyjel tena meb'a xu'j ex kyjel tena minti' tala, b'i'x knajela, maske b'a'n q'ijina ex maske b'a'n nim mañ tu'na.

¹⁰Tuj twitza segurxix ta'ya tuj tb'inchb'ena mya b'a'n ex kub' t-ximana kyja': Minti' jun in ke'yin wi'je. Aju tnab'la ex tojtzqib'la ma che kub' sb'unte teya. Kub' t-ximana tuj tanmiya kyja': O'kxku aqine ex minti' juntl ik tza'n weye.

¹¹Ex tzul jun mya b'a'n tib'aja ex mlay mayet tu'na tu'nju mañ b'a'n tu'na; ktzajel jun xitb'il ti'ja ex mlay b'ant tmayonjtz tu'na; ktzajel jun k'ixb'isab'l ti'ja aju minti'toq in ayona ti'j, noq minab'en tzul ti'ja.

¹²Kukx ky'a'na ex kukx q'ijina, ik tza'n o b'ant tu'na tej q'apojxtoq ta'ya; mya yajku jaku tz'ajb'en teya, mya yajku tu'n jlu jaku che xob' xjal twitza.

¹³Ma che tzaj ti'na nim xjal q'ol consej teya ex ma sikta tu'n jlu.

¹⁴Ex b'intza, qe xjal lu ik kyten ik tza'n tzqij ch'im in b'aj tz'e'y tu'n q'aq', mlay b'ant kyklonte kyib' tuj q'aq'. Porke mya ik tten q'aq' lu ik tza'n ttxan xq'a'l tu'n qkub' qe' ti'j ex tu'n qmeq't tu'n.

¹⁵Kyja'tzun kb'ajel kyi'j qe q'ol consej teya, aqeju ma sikta kyu'n atxix ttzajlena tuj tq'apojila. Teylex te junjun k'elel tzpet ti'j tb'e ex mi a'l jun jaku kleta tu'n.