Read kumam Isaías 6 Bible Online

Isaías 6 - kumam bible

Isaías 6

¹Tuj ab'q'i tej tkyim rey Uzías o wile Qman q'uql tuj tq'uqb'il ma' tjaw ex ma' toklen, nojni tuj tja tu'n ttxa'n t-xb'alun.

²Lu qe Serafín in che qoptz'aj wen kykub'sa'n tib'ajxi Qman. Teyle junjun at qaq t-xik'. Kab'e kyxik' in ajb'en te maqb'il kywitz, kab'etl in ajb'en te txayb'il kyqan ex atzun kab'etl in ajb'en tu'n kylipan.

³Ex che chi in kyma'n jun te juntl: Xjante, Xjante, Xjante Qman aju Tajaw Tkyaqil; nojni tkyaqil twitz tx'otx' tu'n tajwalil.

⁴Tej tq'ajt tq'ajq'ajel kywi', b'i'x e tzaj lu'lun tlamel tja Dios ex b'i'x b'aj noj tuj tu'n sib'.

⁵Atzun weye nmaye kyja': Ay b'ek'b'il nwitze, chin kymele. Ma wile tu'n nwitze aju Rey, aju Qman Tajaw Tkyaqil; atzun weye xjal qine ex mi jun yol tuj tumel nne'tz tuj ntzi'ye, ex najl qine tuj jun tnam jatum minti' jun xjal in yolin tuj tumel, nchiye.

⁶Kyxol qe Serafín lu tzaj lipan jun ex ul wuk'ile, tzyu'n jun xq'a'l tu'n tu'n tenás, otoq jaw ti'n tib'aj altar.

⁷Ok tt'ano'n ti'j ntzi'ye ex tma weye kyja': B'intza, aju xq'a'l lu ma tz'ok t'anet ti'j ttzi'ya, ma tz'el q'it tb'inchb'ena mya b'a'n ex ma kub' najset tila, chi Serafín.

⁸Nb'iye tq'ajq'ajel twi Qman ex tma: ¿Alkye kxel nsama'ne? ¿Alkye k'okel te qsanjele? Atzun weye xi ntzaq'we'ne: Lu qine lu, chin t-samanxa.

⁹Tzajtzun tma'n weye: Txi'ya ex q'manxa kye xjal kyja': Maske ma tzaj kyq'o'n kywi'ye ti'j, mlay tz'el kynik'e ti'j; ex maske ma kyile, mlayx tz'el kynik'e ti'j.

¹⁰Najsa'n b'aja kynab'l qe xjal lu tu'n mi'n tokx tuj kywi', maqsima tuj kyẍkyin tu'n mi'n kyb'inte, ex maqsima kywitz tu'n mi'n tkyil ex tu'n mi'n tel kynik' ti'j, tu'ntzun mi'n tajtz ti'j kyanmi ex tu'n mi'n kyb'anix wu'ne, chi Qman weye.

¹¹Xitzun nqanine te: ¿Nik'puntzun ktel jlu, Nman? Tzajtzun ttzaq'we'n: Max okxi kyb'aj naj qe tnam ex mi jun xjal tu'n tkyaj ten kyuj, okxi kykyaj ten qe ja minti' kyajwil, okxi kyb'aj naj qe kojb'il ex mi jun xjal kyjel ten kyuj,

¹²ex okxi kyxi wi'ne qe xjal tuj jun tnam najchaq, tu'ntzun mi jun xjal tu'n tkyaj ten tuj ttanmi.

¹³Maske nik'xi xjal che kyaj ten tuj tnam, ax ikx che najel, ik tza'n in jaw tx'emit jun tze' k'ol ex qa jun tze' sik'l ex o'kx ttronkil in kyaj ten, pero ti'j tronk lu ktzajel ch'iy t-xul xjanxix.